عندى مشكله كبييييره جدا

[حبيبة السماء]

السلام عليكم ورحمة الله وبركاته
الحقيقه يا جماعه انا معرفتش اكتب مشكلتى دى فين لانى يمكن مسجلا من زمان لكن لضيق الوقت انا مش مداومه على الدخول لكن انا واثقا ان شاء الله انى هلاقى حل لمشكلتى عندكم
انا للاسف الشديد تانى مره افشل فى الحفاظ على البوتاجاز بتاعى برونقه وجماله
والله مش اهمال دا انا نظيفه جدا بس مشلتى مش عارفالها حل
اشتريت بوتاجاز جديد اكس بير رائع
بس اول مره جيت انظفه بعد الاستخدام
رشيت ملمع البوتاجازات لايت
فبقع بقع غامقه كداكنت هموت من الغيظ حطيت كلور مطلعتش البقع
انا متضايقا جدا
لانى استخدمت الملمع دا
المهم
لقيت للاسف كمان الميه لو غابت على البيوتاجاز شويه
برضو بتعمل بقع لونها غامق كدا
منش فاهما داايه؟
اعمل ايه بوتاجازى باظ
شكله بقى مقرف خالص
والانكت
انى جبت حاجه كدا مكتوب عليها 0000لازالة البقع من البوتاجازات وجربته
زاد الطين بله
وبقى البوتاجاز مبقع
من اماكن مختلفه
اهئ اهئ اهئ
حد يساعدنى بليييييييييييييييييييييييييييييز
:K):K):K):K):K)

[حبة اللؤلؤ]

شوفى يا قمر مزيلات الدهون ليست للسطح الخارجى للبوتاجاز فقط استعمليها للفرن من لداخل وكذلك للعيون والشبكة والشفاط ... دى نصيحة ليكى
لانها تؤثر على الاستلنس وتؤدى الى اسوداده .... انا بحط على البوتاجاز ورق الومنيوم من النوع الثقيل وبغيره كل اسبوع وبلاقى البوتاجاز تحته نظيف بس بمسحه بشوية ماء وصابون اوانى فقط ولا استخدم سلك اوانى حتى لا اجرحه ...
اذا كان البوتاجاز شكله مش عاجبك ضعى ورق الالمونيوم من اليوم وصاعدا عليه .... وغيريه مرة فى الاسبوع حتى تحافظى عليه ... ولا تحاولى رش المنظفات القوية على سطح البوتاجاز مرة اخرى ولا حتى الكلور فقط حافظى عليه بورق الالمونيوم ولن يستدعى الامر غسله بمثل هذه المزيلات القويه من السطح كما قلت لك استعملى المزيلات فقط للفرن والشواية والشباك والعيون ...وانا استعملعها ايضا فى تنظيف الشفاط .. فقط اما سطح البوتاجاز فلالالالالا

[* امة الله *]

ياجماعة انا كمان بعانى من نفس المشكلة انا متزوجة لى 5 سنوات ونظيفة جدا جدا جدا لدرجة ان لو واحدة زارتنى تعتقد ان البوتجاز جديد وما حدش استخدمه لكن للاسف فى مرة استخدمت منظف المفروض انه كان هيخلى البوتجاز بيبرق للاسف خلاه حاجة تانى خالص بقى مليان بقع وانا هموت من الزعل لانى بتعب جدا من اى منظر فى البيت مش حلو وحاولت كتير كتير بالكلور وغيره انى ارجعه زى ماكان بس قالولى استمرى على الكلور وان شاء الله يرجع زى ما كان بيلمع ادعولى بس ياريت لو حد اعندو حل اقوى يقولنا وبارك الله فيكم

[حبيبة السماء]

انا كنت هيأس ان حد يرد عليا بس الحمد لله لا ياس مع الحياة
اشكرك اختى الغاليه حبة اللؤلؤ
بس تعرفى انى متزوجه من 14سنه
(بس لسه مش عجوزه)
وغيرت بوتاجازى الاول وكان بيبرق وكنت بنظفه بنفس المنظف ولا مره بقع
غيرته فقط لان المفاتيح كانت بتسرب غاز
الراجل اللى جه يصلحه كان منبهر من نضافته
بعد 9 سنوات استخدام كانه جديد
وجبت واحد كريازى زى الفل
بس طلع فيه عيب تصنيع فى الفرن وكسلت ارجعه او اجيب الصيانه
انشغلت بمعنى اخر
اما دا بقى
فجبته بعد تمحيص وتفحيص ولفيت واستخارت
بس والله انا مش قادرااستوعب اللى جراله دا مش طبيعى ان الاستانلس يجراله كدا
وايه مستورد
اشمعنى بقى المصرى اللى كنت باستخدم عليه خلطاتى السحريه
اللى بحط فيها 50 نوع منظف على بعض ومع ذلك مبقعش؟؟؟
لا والانكت انه بيطلعلى صدأ من الجمب
انا جبت الصيانه فعلا
والراجل قالى ان عمرها محصلت
الغريب ان الميه كمان بتبقعه
بقع غامقه
المهم علشان مااطولش عليكو
انا جربت الغطاء الالومينيوم دا كتيروحاشته فى انه بيخليكى تكسلى تنظفى البوتاجاز فالدهون بتتراكم وتبوظه غصب عنك
انا مش بحبذه
بس لو ملقيتش غيره حل يدارى المنظر هاستخدمه
ولو حد لقا طريقه تفيدنى ياريت

[حبيبة السماء]

اختى الغاليه أمة الله

انتى زيي بالضبط
واكيد حاسا بيا
انا فعلا مش بستحمل اشوف اى حاجه مش بيرفكت
بتعب اوى
ساعات بحس انى اوفر اوى
بس النظافه دى طبع هعمل ايه
وعلى فكره النظافه غير النظام

وتخيلى بقى لا قدر الله لو عندك هوس بالاتنين وربنا ابتلاكى ببوتاجاز عكر دمك ولا العيال عكننو عليكى بشخبطه ع الحيطه
طول النهار بشتغل وبنام فى الاخر احلم انى بنظف البوتاجاز وانه رجع زى الاول
المهم
الراجل بتاع الصيانه
قالى ادعكى البقع بحاجه بتيجى من عند بتوع الدهان اسمها(( اسبداج))
وهيبقى زى الفل
بصراحه جبتع على طول النص كيلو بجنيه تقريبا
بودره كدا لونها بيج
الحقيقه قلت البقع شويه
لكنه مرجعش زى الاولوبعدين ورهق جدا ومقرف فى ازالة بقاياه
فلو حبيتى تجربيه اتفضلى بس متحلميش انه يرجع زى الاول 100%
المهم يكفيكى شرف المحاوله
ولك عظيم الشكر على مرورك ومشاطرتك لى احزانى

[وعود الخير]

وما زلنا بانتظار نصائح الاخوات

شخصيا انصحك بتنظيفة وتلميعه بعد الانتهاء من استخدامه ومسحه بفوطة شامواه
وبالتوفيق