مشكلة مؤمن مع الخوف الشديد و قلة النوم
السلام عليكم و رحمة الله و بركاته
ازيكم يا بنااااااااااااات وحشتوووووووووووووووووني جدا انا بقالي فترة كبيرة ما دخلتش المنتدي لظروف عائلية ربنا يعديها علي خير
انا هادخل في الموضوع علي طول
مؤمن دلوقتي بقي عندي 6 سنين و اغلبكم لو لسة فاكرين مشكلته مع قلة النوم
المهم دلوقتي بقيت ادخل عليه و هو بيتفرج علي الكارتون الاقيه بيعيط لوحده و دموعه نازلة زي الراجل الكبير
و لما أسأله يقولي انا كويس ما تقلقيش عليا
و في مرة حاولت اجبره علي النوم عيط و قالي مش عايز انا مش بحب انام
قلت له ليه؟
قال عشان باشوف حاجات وحشة
قلته له بتشوف ايه؟ قال باشوفك انتي و بابا
قلت له بنعمل ايه؟
قال بتضربوا بعض و انتي بتصوتي و بتموتي
( كان حصل مرة من سنتين ان فعلا انا و باباه خرجنا عن اعصابنا و اتخانقنا ووصلنا لحد التشابك بالايدي و مؤمن شاف ده و انا طبعا كنت باعيط و كانت مشكلة كبيررررررررررررررررررررررررررررررررررررررررررررررة جدا يومها و جه والدي وو والده و كان فيلم و انا فضلت بعدها مجروحة نفسيا اوي و كان فيه بعض الالام الجسدية طبعا )
قلت له يا حبيبي انا بابا صالحني و انا كمان صالحته و من يومها ما زعلنيش تاني ( هي فعلا ما اتكررتش بس طبعا اتخانقنا المشكلة ان باباه صوته عالي بطبيعته و انا هادية و صوتي واطي و مؤمن زيي )
و قلت له و شيئ طبيعي ان الناس تتخانق مع بعضها مش ساعات انا و انت بنتخانق؟
قال ايوة
قلت له شوفت؟ عادي
قال كمان باخاف عليكي تموتي انتي و مازن و نينة
و باخاف اروح الحضانة عشان البيت ما يتهدش عليكم و تموتي انتي و مازن و الكمبيوتر يتكسر ( اهم حاجة عنده طبعا حبيبي البرئ )
قلت له يا حبيبي انا كبيرة و البيت كويس و مش هيتهد ولو حصل حاجة انا هاخد بالي من مازن و من الكمبيوتر و بعدين ربنا معانا في كل وقت و هياخد باله مننا
سكت بس بردو لسة خوفه بقي بيعوق حياته
كمان باباه بقي بيسافر شغل في مدينة تانية و بيغيب من 20 يوم ل شهر و يرجع تاني اجازة اسبوعين
طول فترة سفره وهو خايف عليه يتوه و ما يعرفش يرجع و خايف يموت
انا بجد تعبت
وديته لدكتورة قالت هو فاقد الاساس بالامان كمان مع ظروف مازن
اعمل ايه بقي؟؟؟؟
دلووووووووووني
رد مع الاستدلال
مدونتي مطبخ ام مرمر و ليلو
الروابط المفضلة