انا اول مره اكتب على المنتدى هنا بس ده من احساس الالم اللى جوايا زززياريت تساعدونى فى القرار..انا مخطوبه بقالى 3 سنين خطوبه تقليديه جداا ارتحتلواا فى الاول فكملناا هو دكتور .
..طيب ومحترم وبيحبنى ..بس ظروفه خدعنا فيها من الاول كان بيجى بعربيه بعد 3 شهور عرفتا انها متاجره وطبعاا دى غيرت خالص فكرتنا عن حالته الماديه ..احنا حالتنا كويسه بفضل

الله ومستوانا اعلى منه ..زلحد دلوقتى ماجليين الجواز 3 مرات اخد قرض وعلى اساسه حجزنا القاعه فالقرض مش حيجى...والقرض ده االى المفروض كان حيكمل فلوس الموبيليا والفرح .
.بابايا بقى لقى فى تاجيل صمم ان لو فى تاجيل تانى نبقى حنفركش خلاص ومش مطمن حاسس انى حتبهدل معاه وانا مش واخده على كده لان حيبقى عليه ديون كتير سالفها من قرايبو

كل ده كوم واحساسى بعدم الاطمئنان والخوف معاه ده كوم تانى كل شويه يجيللى الاحساس ده واقول انا بقالى كتير الناس حتقول ايه واكمل

:K) .بحسه انانى فى تصرفاته مش مهم انا وعايز يتجوز واحده لقطه وخلاص ,
لما ببقى زعلانه بيسبنى وبعد كده اكتشف انه هو اللى زعلان كان ماليش حق ازعل وبيبص لنفسه وخلاص وانا اد ايه جيت

عليه وانه مظلوم وانى مش بحبه كل ده عشان زعلت وقولت اللى جوايا ...بيستخسر فى الهدايا جدااا بيجيبلى اى حاجه والسلام مع انى بتعمد اجيبلواا اغلى حاجه ....بقول مش مهم بس خايفه اعيش محرومه معاه

......فى الاول كان بيلمح ان اصحابه مراتتهم بيشتغلواا عشان يساعدوهم يعنى انا كمان كده بس مفيش راجل يقبل كده على نفسه .......انا بجد تعبت كل شويه بكتشف فيه حاجه وانا حساسه

اوى للاسف ساعات مامته لما بتبقى خارجه معانا وبنشترى حاجه بتخبى منه الهدوم اللى جبتها انا وماما استغربنا اوى من كده !!!!!!

على طول زهقان وساكت ومش اجتماعى اوى انا العكس على طول بهزر واتكلم واخرج......حياتو كلها الشغل بيروح ياكل وينام وتانى يوم نفس الكلام


هو طموح شويه وعايز يسافر بره بس انا خايفه منه مش من السفر حاسه انو بيضحك عليا بحبك وكده عشان اكمل معاه ...فرق السن 8 سنين

جوايا صراع بين عقلى اللى بيقوللى حتندمى لو كملتى وقلبى اللى اكيد اتعلق بعد3 سنين ...فى المواسم والاعياد ولا بيعبرنى بحاجه مش بيجيبلى غير فى عيد ميلادى والفلانتين

وحاجات رمزيه كده هل انا ببالغ ولا احساسى صح وكمان معلش فى حاجه اخيره طولت عليكواااا ...اصلى رغايه شويه احنا بيتنا فى مكان مش ينفع مواصلات غير عربيه كان بيقول حيجيب وطبعاا

محصلش ...بابا بيقولى انا طول حياتى تعبت عشان انتو تستريحواا ف مش عايزك تتبهدلى

انا خلاص تعبت ساعدونى قولولى رايكوااا بصراحه ..لو مكانى حتعملواا ايه وادعوللى اخد القرار الصح ....يارب