يعطيك العافية يارب
موضوع رائع و مهم
ماأحد يرتاح نفسيًا اذا عنده خادمة لكن يرتاح جسديًا << بس مو من صالحه لأن في الحركة بركة
لو كل وحدة رتبت وقتها و إستعانت بهالأجهزة و اكثرت من الإستغفار راح تكون إمرأة مُنجِزة بالبيت
و مثالية بعد
بس القطاعة انصدمت فيها تخيلي !
من الحماس اشتريت 4 لي و لخواتي اخذتها قبل اكثر من سنة
بس مدري وش فيها
المشكلة حرصت اشتري أصلية واشتريتها من قناة الاعلانات و سعرها 140
أظن ! ناسية
توقعتها تريحيني خصوصًا أكلنا خضار يوميًا
لكن ماأدري وش فيها البصل تترك الطبقة الاولى لازم حتى لو ازيل كذا طبقة
الكوسة تقطعها زين
الطماطم مو مرة االطبقة الاولى تعيق العملية
البطاطس ماتقطعه قاسي اخاف اضغط قوة و تنكسر
الخيار تقطعة زين << هو أفضل شي الخيار
و ماتضغط كويس
الحلو ان معاها كذا قطعة مختلفة و القطع حادة جدَا
و جرحت اصبعي ذات يوم
يمكن اننا انخدعنا فيهم
و بالإعلان كانت مضبوطة معاهم صراحة كان مغري العرض
ماأدري العلّة فيني و الا فيهم
فمالنا الا فرامة البصل للبصل و الطماطم و احيانا اذا مكسلة احط السلطة
و المشكلة ان التفريز عندنا ممنوع امي لازم كل شي طازج
يعني بصل و طماطم و خضار ووووالخ مستحيل نفرزن
أحب أضيف يالغالية :
1- عند النوم قول سبحان الله 33 مره و الحمد لله 33 مره و الله أكبر 34 مره
لحديث الرسول صلى الله عليه و سلم حينما طلبت منه فاطمة رضي الله عنها خادمًا
2- أفضل وقت للشغل الصباح تنجزين أعمال كثيرة في وقت قصير
و يكفي قول الرسول صلى الله عليه و سلم : بورك لأمتي في بكورها
2- بالنسبة لوضع شي ع الفرن فيه موجود بـ دايسو تغليف للفرن خاص فيه و هو ناعم الملمس و ألوانة جميلة بعكس القصدير
انا كنت ماخذته قبل 4 سنوات مدري موجود للحين و الا لا
3- مكواة الكبس مريحة و تقدرين تسوين معاها شغلة ثانية
4- الأطفال لازم لهم حل لتشجيعهم ع الترتيب و مساعدة الأم
و أفضل شي الجدول هذا
http://img39.imageshack.us/img39/8291/phuppimagezxh.jpg
5- فيه بودرة عطرية تحطينها ع السجاد خمس دقايق و تكنسين السجاد انا ماخذتها من التميمي
فيه روائح توت و ياسمين
بس للأمانة جربتها و ريحتها مو باينة يمكن لأني نسيتها بالشمس بالسيارة شهر كامل
6- وضع قليل من الكلوركس و الديتول اللي بنكهات و جل العملاق و اضيفي عليهم ماء
في بخاخ و رشي اسطح المطبخ تعطي نظافة و رائحة جميلة
هذا اللي يحضرني الآن
الروابط المفضلة