وده لأن الماء مافيهوش سعرات حرارية ويشعرك بالإمتلاء ..
وكمان فيه علاقة بين الجوع والعطش وصعب على الجسم التعبير عن جوعه وعطشه
فاحتمال يعبر الجسم عن الشعور بالعطش تلقائيا ولكن احيانا كتير يعبر الجسم عن الشعور بالعطش بإن المعدة فارغة
فهنا بدل ما ناكل ساندويتش نشرب كوب من الماء هايشعرك بالإمتلاء
أول خطوة ممكن تعمليها إن يكون شرب الماء ضرورى يومياً يعنى على الأقل 3 لتر ماء موزعة على مدار اليوم
ولو قدرتى تشربى كوب أو كوبين أو 3 على الريق يبقى كتر خيرك
ممكن تحسى بألم خفيف فى الأمعاء والرغبة فى دخول الحمام .. وده بسبب غسيل الماء للمعدة والأمعاء ... والتخلص من السموم الموجودة فى الجسم
تانى حاجة مهمة جدا هى الرياضة
عندى نصيحة من جوزى بصراحة روعة
ابدأى اعملى تمرين البطن يومياً بس تدريجيا .. يعنى ابدأى ب5 بطن وتانى يوم خليهم 10 وبعدين زودى شوية على 10 .. يعنى 3 ايام مثلا
وفيه فيديوهات للرياضة ممكن نشغلها على الكمبيوتر ونعمل زيها .. هانتعب شوية فى البداية أكيد .. بس بعد كدة هانتعود ..
لو متاح فى المكان اللى انتى ساكنة فيه إنك تمشى .. امشى نص ساعة يوميا .. اعملى أى حاجة متاحة ليكى بس نص ساعة مش أكتر
وبعد 15 يوم هانزود شوية نخليها 45 دقيقة
الروابط المفضلة