بصراحة خوفتينى يا نور العيون من الجيل الجديد
هتخلينى احبس العيال فى البيت لا يخرجوا ولا يتعلموا
انا اقصد يا جميل ممكن تدخلى على الاب توب الخاص بابنك او ابنتك من غير ما تكون موجودة مثلا وبضغطة زر تعرفى اخر حاجة اتفرجت عليها ..ممكن تشوفى كل المواضيع الى شافتها من زمن
الا اذا كان اخترعوا حاجة تمسح المواضيع من الجهاز..دى بأه مالهاش حل
وكلامك عن الهداية انها بيد ربنا مش بيد الام والاب سليم 100%
والدليل من اسرتى ..والدى الحمدلله ملتزم وداعية ..اخى الاكبر ربنا يهديه يارب ..مش هاقول اكتر من كده
لدرجة صديق والدى قالهاله:انا اتمنى ان بناتى يكونوا زى بناتك بس ما تمناش ان ابنى يكون زى ابنك!!
حتى بابا قال فى سره:الحمدلله انها جت فى الولد وما جتش فى البنات
مش عايزة اقولك بابا عمل ايه فى سبيل اصلاحه ومفيش اى فايدة
هو حاليا متزوج _ربنا يرزقه الذرية الصالحة يارب ويهديه لزوجته_هدى قليلا مقارنة بالمراهقة
شوفى على الرغم من البلاوى الى عملها فى شبابه لما فكر يتزوج راح خد واحدة من البلد ولبسها النقاب كمان ..مع انه مش ملتزم ولا حاجة ..بس خد على منظر اخواته ..حتى قالها البسيه زى اخواتى
بالله عليك يا غالية ادعيله بالهداية والذرية الصالحة
والله حضرتك ما تعرفيش مكانتك عندى اد ايه ..انا متابعاكى من سنين وكان نفسي اوى اتعرف عليكى وادردش معاكى واهو حصل الحمدلله
ربنا يبارك فيكى يارب ويهدي لك اولادك وبناتك ويرزقهم الهداية على الطريق المستقيم
الروابط المفضلة