السلام عليكم و رحمه الله و بركاته
يا بنات مصر و كل حته و كل المسلمين كل سنه وانتو طيبين و يا رب يكون رمضان كريم علينا و عليكو و على امه المسلمين أجمعين يا رب
يا بنات و يا كل المصريين عايزين رمضان السنادى بأذن الله يكون بشكل جديد
عايزه أقطرح عليكو أقطراح
عايزين بأذن الله كل اللى ساكنين فى منطقه واحده يتجمعو مع بعض و يتفقو يعملو شويه حاجات كده
يعنى على سبيل المثال :
فى مصر الجديده اتجمعو 5 ساكنين فى المنطقه دى و قريبين من بعض يتفقو مع بعض بقا مثلا واحد يجيب البيبسى او العصاير او المشروبات - التانى يجيب مثلا لحمه او فراخ - التالت مثلا رز او مكرونه او محشى حاجات كده او يتفقو انهم يقسمو الحاجات دى عليهم بالطريقه اللى تعجبهم و تريحهم و ينزلو مع بعض قبل الفطار كده و يوزعو على الناس الغلابه
والله يا جماعه فى ناس غلابه كتير و غلابه بجد و بينامو فى الشارع و احنا اعدين فى بيوتنا و مرتاحين و بنام على سرايرنا و هما يدوبك عندهم جلبيه و غطا لو فكرتو هتلاقو ان اى حد بياخد مصروف او مرتب او فلوس بتجيلو اكيد ممكن يصرف منها على حاجه عايزها او نفسو فيها تكون ب 100 ولا 200 جنيه و يستعملها فى مره واحده اهو بال 100 ولا ال 200 جنيه دول ممكن تفطرو ناااااس كتير غلبانه والله و يدعولكو كمان ده غير الثواب و الحسنات اللى هتكسبوها
يلا يا جماعه اللى عايز يشترك معانا أن شاء الله التعالى يكتب اسمو او اسم عضويتو و يكتب هوا ساكن فين و أرجو من الأداره انها تسمح بأننا نكتب الأيميلات بتاعتنا علشان يقدر كل مجموعه أعضاء من منطقه واحده يتواصلو و يتفغقو
و أسأل من الله ان يهدينا و يبارك لنا و يغفر لنا ذنوبنا فى هذا الشهر الكريم و يجعل رمضان كلو خير علينا و عليكو و على كل المسلمين
و ربنا يقدرنا و يقدركو على فعل الخير و (أكثرووووو من الأستغفار)
و كل سنه و انتو طيبين و بخير يا رب
مع أرق تحياتى
________________________
للأشتراك :
يرجى كتابه
- الأسم او أسم العضويه :
- المنطقه التى تسكن فيها :
- الأيميل :
الروابط المفضلة