سؤال عن نوع حلا

[سواد العيون]

السلام عليكم يا بنات المنتدى الغالي
رجعت من الاردن لي اربع ايام
وجبت معي حلا اسمه الدحدح
ومن كتر ما طعمه اعجبني
نفسي اعررف مكوناته وطريقه عمله
ياريت اللي تعررفي تسااعدني وتعطيني الطريقه

[نجمة 2]

هلا فيكي سيسي
الدحدح اهل الخليل مشهورين فية في محل بيعملو كتير زاكي [
]انا عندي طريقة راح اكتبها الك وان شاء الله تعمليها وتعجبك
المكونات :6كاسات سميد ,2/1 2سكر ,1/2 1زيت ذرة ,2كاس لبن رايب او روب 1كاس ماء دافي ,1/4 او اقل شوي كربونة , ملعقة صغيرة بيكنج بودر ,رشة دقة صفرا (كركم)،معلقتين طحين حتى السميد يمسك منيح مع بعضة
,الحشوة :
1/2 كاس قرفة جوز مطحون مدقوق مش ناعم كتير
الطريقة :
خلط السميد+السكر+الزيت +الطحين ثم اضافة اللبن والكربونةوالبيكنج باودر والكركم واخرشي الماء
تقسم اجينة تلاتة اقسام ندهن الصينية زيت ونضع الطبقة الاولى من العجين
الكمية التانية نعجنها مع القرفة والجوز اذا تحبي جوز الطيب رشة صغيرة وتمديها فوق الطبقة الاولى وبعدين نضيف الكمية التاتة من العجين فوق طبقة القرة والجوز شوي شوي حتى تغطيها بالكامل وتخيزيها بالفرن متل الهريسة تكوني حامية الفرن قبل شوي وتحميرها وجها لما يصير لونها ذهبي
ان شاء تعجبك طريقتي تقدري تجربيها بكاسات صغار مش كبار كتجربة اول مرة
لما تعمليها فرجينا عليها صحة وعافية

[تغريد2007]

ما شاء الله يا نجمه الف شكرررررررررررر ويعطيكى الف عافيه حبيبتى
انا زعلالالالالالالالالالالالالالانه يا نجمه وين طريقة الملبن

[سواد العيون]

يسلموا ايديك يا نجمه
تيب هالحلا اردني ولا فلسطيني
لانه الطعم خيال مو طبيعي
وانا بجري طريقتك وان شااء الله تنجح وبنزلها ع المنتدى

بس نجمه الدحدح اللي اكلته كان فيه طعمه جوز هند كمان بالحشوه
وتسلمي يا نجمه ماقصرتي
وياريت تعطي ل تغريد طريقه الملبن
ويعطيك الف الف عافيه

[نجمة 2]

يسلموا ايديك يا نجمه
تيب هالحلا اردني ولا فلسطيني
لانه الطعم خيال مو طبيعي
وانا بجري طريقتك وان شااء الله تنجح وبنزلها ع المنتدى

بس نجمه الدحدح اللي اكلته كان فيه طعمه جوز هند كمان بالحشوه
وتسلمي يا نجمه ماقصرتي
وياريت تعطي ل تغريد طريقه الملبن
ويعطيك الف الف عافيه

الله يسلمك ممكن انك تحطي جوز او لوز وجوز هند مع الحشوة متل المعمول ان شاء اله قريبا اكتب لتغريد الطريقة ولا يهمك توتو

[بنت سليمان]

شوقتونا يا بنات نشوف الحلى اللي فيكم تعمله تنزل صورته
لا تنسوا 000ولكم الشكر مقدماااا

[RANDA 1959]

اولا الحمدلله علي السلامه وتانيا الدحدح نوع من الحلي من السميد ومتل الهريسه العجينه بس بتفردي نص الكميه وبعدين بتحضري الحشو وهو كوب من جوز الهند وكوب من الجوز وممكن كوب زبيب وكوب من اللوز وكوب من السكر وقرفه ملعقه كبيرة وتخلط سوي وبعدين بتوزعيها علي السميدة وثم تغطي بباقي السميدة هلا بتقطعيها وبتخبز عند التقديم ممكن ترش بالسكر او حسب الرغبه اختي سيسي هاي وصفه من الخليل واخدت مكوناتها من حماة ابني وان شاءلله بالتفصيل االمكونات لان اخت نجمه حطتتللك المقادير والف سلام

[حنان(البحرين)]

تسلمين عزيزتي على الوصفه الحلوه

[&جروح تبتسم&]

انا كنت دايقته بعمان من سنتين كتير طيب

يسلموا ايديكي نجمة ما قصرتي حبيبتي

وبدنا طريقة الملبن عندي فضول كيف بينعمل؟؟؟؟ وشو مكوناته

وكتر خيرك حبيبتي نجمة

[جميلة الكون]

مشكورة علي الوصفة الحلوة