"عروسات المستقبل تعالوا اقولكم".. جزء ( 12)

[انا اموله]

السلام عليكم اتمخطري يا حلوه يا زينه يا ورده من وسط جنينه لولولولولولولولوش دقوا المزاهر يلله يا البيت تعالو جمع ووفق والله وسدقو اللي قالو عريس قمر وعروسته حلاوه اسفه يا نوده مش حافظه الباقي بس بجد انتي مش بس حلاوه انتي كمان طيبه كتييير بدليل اللي بتعمليه مع البنات كلهم تستاهلي كل خير ربنا يوفقك يا جميل ويجعل ايامك كاها سعاده وعقبال العايزين الله يتمم للجميع على خير ان شاء الله تعجبك الزفه اللي عملتهالك ود زغروده تانيه لولولولولولولولولولولولولولولولولولولولولولولولولو ييشششششششششش

[ايمان مونى]

السلام عليكم

هنودة الف الف الف مبروووووووووووووووووووووووووووووووووك يا حبيبتى

ربنا يتمم زواجك على خير يا حبيبتى والله فرحت جدا

ماشاء الله ربنا يسعدك ويهنيكى مع زوجك يارب وتعيشى فى تبات ونبات وتخلفى صبيان وبنات

ربنا ييسرلك الحال يا حبيبتى يارب بس قوليلى مش هتعملى فرح هنا ولا هتسافريله على طول

اوعى تعملى فرح هنا وماتعزميناش ماحنا لازم نشوفك ونشكرك على تعبك معانا ونودعك قبل ماتمشى

بس يعنى هو انتى لما تتجوزى مش هتكلمينا تانى ولا ايه انا كدة هزعل اوى

طمنينا عليكى يا قمر وحشتينا خااااااااااااااااااااالث ماااااااااااااااااااالث

ميويا

الوحشة اللى مش بتسال علينا ولا بتعبرنا خالص
مابتدخليش المجموعة ليه يا وحشة احنا زعلانين منك وخاصمينك
ادخلى بقى ولو برسالة تطمنا عليكى

[7abiba21]

السلام عليكم يا احلى هنودة
الف مبروووك ليكى يا قمر وربنا يتمم للك بخير
انتى تستاهلى كل خير والله
ربنا ييسرلك امورك يا حبيبتى ويسعدك وتبقى احلى عروسة ان شاء الله


ردودك على اسئلة البنات ما شاء الله استفدت منها جامد
دايما تبقى طمنينا عليكى

[somia_abdo]

السلام عليكم يا بنات

بجد انا حبتكو جدا جدا جدا

دى اول مشاركة ليا بالمنتدى

بجد انا اشتركت هنا مخصوص علشان الموضوع ده وعلشانكو انتو يا بناويت يا قمرات

انا حاليا فالجزء التاسع قربت يعنى الحمد لله


وبجد استفدت منكم كتييير جدا

دعواتكو ليا بقى

وعاوزه نبقى اصحاب كلنا

تقبلونى ليكم صديقه


اختكم سمية

[nahed_love]

بصى نودة انا جسمى مش مليان وزنى 62 وطولى 155 بس وشى مليان قووى ومش عارفه اعمل ايه وانا فرحى بعد3 شهور ان شاء الله وخطيبى مش عايزنى اخس وقاللى لا كدة كويس بس وشى اللى مضياقنى وفى حاجه كمان انا كنت بعمل وشى بالفتله بس لقيته بيسببلى حبوب وبدات اشقر وشى بس مش عارفه اعمله بالفتله قبل الفرح ولا اعمل تشقير زى ما اتعودت قوللى اعمل ايه وكمان انا جسمى مشعر قووووووى لما اعمل السويت اعمل الحمام المغربى قبله ولا بعدة وشكرااااااا لك قووووووووووووى.

[هنودة هنانيدو]

ازيك ياهنودة ياحبيبتي وحشاني موت بجد عاملة ايه انا معنديش اسئلة لاني رجعت اكسل تاني من عمل الوصفات مش عارفة مالي والله
حبيت اسال عليكي وعايزة اتشجع من تاتني معاكي ومع البنات

روز القمر والله كنتى لسه فى لابالى وبقةل هى فين مختفية ؟؟؟

يالالا شدى حيلك يا قمراية واظبى معانا على الوصفات وخليكى عالطول معانا بلاش تغيبى كدا

[هنودة هنانيدو]

والله مش عارفة اشكرك ازاي يا هنودة
دي كل كلمات الشكر قصيرة في حقك
استفدت منك جاااااااااااامد دا انا كنت جاهلة خااالص
انا عايزة اطلب منك طلب يا هنودة و سوري كترت عليك بالطلبات
انا عندي سواد خفيف في الركبة و الابط و المنطقة المنكوبة
وحبيت اعمل الوصفة بتاعتك بس احنا مش عندنا كيناكومب و جليوسليد في الصيدليات ياريت لو عندك وصفة للسواد ميكنش فيها المراهم دول
وكمان انا عندي خط بيفصل بين المعدة و البطن مش عارفة هل ممكن يزول مع الرياضة ولا لا او لازم اعمل حاجة تانية
و سوري كترت عليك بالاسئلة
اااه عايزة اشتري كورساج مش عارفة يا هنودة اشتري كام واحد
ميرسي

القمر عاملة ايه ؟؟ كلك ذوق بكلامك الجميل

السواد الخفيف حطى ليمون مع جلسرين كل يوم ان شاء الله تجيب نتيجة بس بتاخد وقت واعملى كمان سكرب ملح وليمون

تالخط ده بسبب ان البطن مرتخية والمعدة مش مشدودة مجرد تعملى رياضة حيروح وعن تجربة وممكن كمان تستخدمى زيت اللوز المر او زيت الزيتون انك تدهنى المنطقة بيها كل يوم

كورساج هاتى 2 كفاية لانك مش عالطول حتستخديهم

[هنودة هنانيدو]

ruby
ياعسل انتى امرى واطلبى واحنا ننفذ .. ربنا يسعدك يارب ونفرح بيكى عروسة قمر واى حاجة محتاجها اسالى عالطول

basbosa
ربنا يخليكى يا حبيبتى على كلامك الجميل يارب افرح بيكى قريب ويسهل كل الامور عندك وان شاء الله عن قريب .. والله يا بوسبوس انا كنت بفقد الامل فى جوازنا ههههههههههههه بس والله هو ربنا محدد لنا الوقت ودلوقتى بقول الحمد لله اننا حنتجوز الايام ديه لانها احسن من اننا لو اتجوزنا قبل كدا .... انتى كمان حتلاقى نفسك بتقولى نفس الكلام وتفتكرى الايام فاتت وتضحكى .. ادعيلى باقمر ربنا يعدى الايام ديه على خير عشان بيحصل توتر وتنشنة كتير

عزة
انتى كلك ذوق يا حبيبة قلبى والله انا فرحانة عشان كلامكم الجميل ده عقبال يارب افرح بيكى اجمل وارق عروسة فى الدنيا وتكونى مبسوطة جدا ولو ليا نصيب اكون فى الاسكندرية اجى فرحك ان شاء الله ..

[هنودة هنانيدو]

مرسي ياهنودة على المعلومات الجامدة دي

الحمد لله انها عجبتك يا روز يا جميل

هنودة تسلمي على موضوعك عن فوائد ماء الورد انا فعلا محتاجة لهالاشياء والن شاء الله اجيبه باسرع وقت

برافوا يا روز يالالا انزلى وهاتى ماء الورد وشجعينى معاكى نستخدمها سوا انا من زمان بستخدم ماء الورد وفعلا حلوة جدا للبشرة

معلومات جميله جدا يا هنوودة
بس عارفة فى عداوة بين بشرتى للأسف وماء الورد يا خسارة
تلمس وشى الاقى مكانها حبوب علطول والتهابات
بجد يا هنوودة فرحتينا ان ميعاد فرحك قرب الف مبروك ويلا بسرعة
بقى عايزينك تكلمينا من السعودية بقى بس أوعى تنسينا هما يومين تتجوزى
على السريع وترجعلنا علطووووول مليش دعوة

ملوكتى سلامتك من ماء الورد نعملك موضوع خاص ليكى من غير ماء الورد الوحشة ديه هههههههههههههههههه

لا عيب انا اقدر انساكم ده اول حاجة بطلبها ان يكون النت موجود عشان جوزو يروح الشغل وانا ابقى فاضية معنديش خلاص شغل واقعد اتكلم معاكم وادخل على مجموعة

[هنودة هنانيدو]

تفتيح بين الافخاذ اما بيتادين لوحده او زيت اللوز المر او زيت جنين القمح والافضل تجربى بيتادين اسبوعين عشان يشيل اى بكتريا ضارة وبعدها الزيوت ديه عشان تنعم وتفتح او جليوسليد مع الليمون بردو حلو بس عايزة استمرار

ياريت يا نوده تقوليلى استعمل بيتادين يوميا ولا عدد مرات معينه فى الاسبوع واحطه قبل النوم وانام بيه واغسله الصبح ولا اغسله قبل ما انام ... وبعد السبوعين ابدا من تانى يوم مباشره فى استخدام الزيوت ولا استنى شويه , واحط زيت لوز لوحده ولا اخلطه مع زيت جنين القمح , الجليسوليد والليمون مقاديرهم أد ايه ........ عندى سؤال تانى: انا عندى فرق فى نص شعرى من الامام مش بيروح خالص مهما غيرت فى تسريحه شعرى,هل ده نوع من صلع الاناث وياريت تقوليلى الحل ايه .......انا جبت نخاع من الجزار واشتريت زيت خروع وناويه باذن الله اخلط زيت النخاع مع الخروع واعمل بيهم حمام زيت لانى سمعت انه بيتقل الشعر ويطوله ياترى الكلام ده صحيح وايه رأيك فى حمام الزيت ده ويا ريت تعرفينى الطريقه الصحيحه لعمل حمام الزيت واسخن الزيوت قبل ما استعملها ولا لا ...................... بجد يا نوده ميرسى ليكى اوى ويشرفنى اننا نكون اخوات والف الف مبروك يا قمر على قرب الجواز وربنا يجعلك دايما جميله فى عيون زوجك ان شاء الله ويجمع بينكم فى خير

رحاب الجميلة عاملة ايه ؟؟
بيتادين بيتحط كل يوم قبل النوم وتانى يوم اغسلى منطقة عادى

بعد الاسبوعين حطى الزيوت مفيش مشكلة انتى اما تستخدمى اللوز لوحده او جنين القمح لوحده

جليوسليد بتجيبى علبة صغيرة منه وتعصرى عليع ليمونة كاملة وتقلبيهم وتستخدميهم كل يوم

معلومة النخاع مع زيت الخروع عن تجربة بنات اعرفهم كويس جابت نتيجة هايلة بيتقل الشعر ويغذية وينعمه

طريقة حمام زيت بتجيبى الزيوت وتسخنيها على النار يعنى تبقى دافية وتدهنى بيها فروة الراس كويس ووتجيبى فوطة مبلولة بماء سخنة يعنى افتحى الحنفية السخان على فوطة واعصريها كويس ولفى بيها الشعر ربع ساعة وسليها حتلاقيها بقيت باردة وكملى نص ساعة كمان بالزيت فى الشعر وبعد كدا اغسليه عادى

الفرق فى نص الشعر ادهنى جزء ده بالزيوت واعملى زى تدليك بايدك عشان الدم يوصل للمنطقة ديه وتغيرى التسريحة ومتخليش الشعر مشدود فيها

ملعقتين عسل وملعقتين حليب سائل او طازج وملعقتين نشأ ضعيها على

الوجه والرقبة نصف ساعة وبعدها اغسليها بالماء فقط وامسحي وجهكي بماء ورد
وتستعمل هذه الخلطة مرتين باليوم وان شالله تشوفون النتائج بعد اربعة ايام او اسبوع

ايه فايده الوصفه دى يا هنوده تفتيح ولا ايه ........ وايه هو البيبى ليس؟ هو زى المكواه كده ولا ايه وهل ليه اضرار على الشعر مع تكرار الاستخدام .... ميرسى اوى يا نوده

الوصفة ديه ترطيب وتفتيح خفيف يعنى بتدى البشرة نضارة حلوة اوى وتغذية وترطيب انا بستخدمها بس من غير نشاء والحمد لله حلوة اوى

البيبى ليس ايوة هو ز مكواة بس احدث منها واقل ضرر للشعر منها لانها فيها مادة اسمها سيراميك او تاتنيوم ديه بحمى الشعر من حرارة العالية ومنها انواع تنفع الشعر الجاف ومنها انواع تنفعى الشعر الجاف والمبلول

هى طبعا مع تكرار اكيد بتضر الشعر بس لو انتى حتستخدميها قليل يعنى فى مناسبة او مرتين فى الشهر ماشى اما عالطول لا حتاذى الشعر

ازيك يا نوده .. انا اشتريت زيت خروع من العطار هو لونه مائل للاصفر مش ابيض شفاف بس اللى فى المحل حاطه فى حاجه كده زى قاروره كبيره ومش مكتوب عليه اى حاجه لا ماركه ولا حاجه خالص ولما طلبته منه حطلى منه فى ازازه صغيره , ده يبقى كويس ولا لا

ايوة يا قمر ده زيت الخروع مظبوط