هذا يا جماعة الخير.....امبارح شو كانت مغامراتي؟
حكو جاراتي انه بدهم يجو علي عشان يعيدو بعد العيد احنا بنعيد على بعض بعد صيام الست والعيادة على رواق يعني قلت للجارة الاولى يختي اتأكديلي انهم بدهم يجيو عشان اقوم استحي على دمي واجلي هههه والا ما كنتش ناوية اجلي
وفعلا راحت واجت وانا بطوي بالغسيل وقال ياللا قومي اجلي
قلت يعني طيب ماشي وفعلا قمت اتنشطت وجليت كوااااااااااااااااام جلي (الله يتوب علي منه ) وضبيته ورتبت الدار على زنكة عشرة ولميت الغسيل وليفت الحمامات
بقولكو امبارح اخلاقي كانت عال العال ومسكت ها الخلطة ام كلور وديتول وبلشت المع وامسح ونيمت البنات وما احلاهم ولبست ومشطت شعري (اقل ما فيها ) ولا اقعد بنكشوشتي عيب برضه ههههههههه
وصارت 8 ولسا محدش اجى قلت انزل القط عنب من تحت الدار عشان اعمله عصير
ييييييييييييييي باب الدار عنا مزرعة بسس الله وكيلكو وانا بكرههم وبخاف منهم دقيت على جارتي اللي تحت وحكيتلها ختي من شان الله مزرقة ها البسس شيلوها من عنا والله قرفت حالي مش عارفة اتحركككككككك
الا هم اتاريهم مش مطعمينهم الهم 4 اايم عاشن يزهقو من الحارة ويروحو في طريقهم.عنجد بكرههم البسس
وصارت اسيل تخاف منهم والله امبارح فقعت من العايط منهم خافت يا حرام من صوتهم وهم يتقاتلو مع بعض
المهم لقطت العنب وغسلته وفرطته ونقعته بمية قلت لحتى يجو عشان اعصره..وبرضه ما اجوش قلت خلص اتصل تلفون الو وينك يا بطة؟ زمان خلصت الجلي ياللا انزلو وتعالو قال ماهو انا ضحكت عليكي عشان تجلي وتتنشطي
يييييييييييييي وانا انصدمت قلت هيك بتعملو فيني مقلب بس ياللا منيح برضه انا الكسبانة
ولقيت حالي فاضية قلت احسن شي اقوم اطبخ طلت كيس مرقة وكيس سبانخ وحطيتهم فوق بعض وتركتهم على نار هادية..........ونقعت شوية رز وحضرة التومة للقدحة وبعدين استلقيت على السجلونة اتفرج على المسلسل الا التلفزيون خربان والصورة مرة تيجي ومرتين تروح وبعدين صرت بخبر كان ونمت
فقت على صوت الساعة وهي بترن ماهو انا صرت احط لسهام ساعة منبه ترن كل ساعتين او تلاتة عشان تقوم تروح تفن على الحمام
وفعلا فاقت وراحت على الحمام وفيقتني وقمت جراي على المطبخ زي المصروعة خفت على الطبيخ
الا هو يا دوب عم يغلى فلفلت الرز وقدحت للسبانخات بشوية تومة وحضرت الصينية لزوزي وبعدين قلت خلص اروح على تختي اشرفلييييييييييي
وفش ساعة لحقت اغفى الا معزوز افندي جاي وقام فيقني الله يسامحة قال شوووووووووو شكرا على الطبيخ
يخي عفوا ولو اقل ما فيها لازم اطبخلك يا زلمة لحسن تروح تشكيني لامي وتقول بنتك بتطبخليش
وبعدين قال شو انا جبتلك عصير رمان عشان تقوي دمك كل يوم ( بس ما حبيته طعمه غريب......بشربه للبنات) مع انه احمر زي الدمممممممممم
وهذا هو صبحت فقت والحمد لله سهومة مش فانة على حالها
ههههههههه بس اسيل عملت بالواجب يختي عليها (مع انه مش عادتها) وهيني رح روح نحط وجبة اواعي بالغسالة والحمد لله فش شغل كتير بالدار لانها مرتبة...والطبيخ جاهز
وسلامة تسلمكو
الروابط المفضلة