ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الثالث ^^

[hananlibya]

السلام عليكم

للامانة قريت ردودكم بس صعب نرد عليكم لاني نسيت كل وحدة بالضبط شن كتبت هههههه شكله الصيام بياخد فيا

المهم جبتلكم رابط التورتيليني

http://www.lakii.com/vb/showthread.php?t=681717

[ناني2007]

ام شدى وابريكة الله يسلمكم ياغاليات

اخت ام عموري انا زمان منزلة طريقة الكبة بالخطوات شوفي الرابط ان شاء الله يفيدك

http://www.lakii.com/vb/showthread.php?t=635092

[أم عمورى]

السلام عليكم
ام البنات
ام ليانة
مشكورات علي فتح الجزء الثالت
بارك الله فيكن
ام اسيل وايه وين هالغيبة
ام عموري شاركينا يا سموحة
صلاتي لله انستينا

التائبة لله بانتظارك صفرتك لليوم
ملوكة وينك ما شاركتينا
ملكة بنقابي
هههههههههههههههه
ضحتيني يعطيك الهناء
اكيد طالع منك حاجة تانية
ويعطيك الصحة وبارك الله فيك علي اهتمامك بطلبي
فطوري امس
زي ما نزلتة ليكم
صفائح ولحم مكمور بالهريسة
وفطوري ولمس
جبتة ليكم في طويسات
ههههههههههههههه
كان
طاجين باذنجان سلطة
رز بلاوة بلحم الغنم حساء قصب
تعلمتة من صديقتي جي جي3
وعين العروسة
لام السنفور
لكن طيبتها زي الكباب
والمرة الجاية بنديرلها صلصة حمراء وانحطها فيها بعد ما اطيب
نخليكم مع الصور



وهذة عين الصبية يام السنفور


واليوم درت المبطن الملفوف للعجولة
ورز بلاوة بالدجاج
وكالالوني
وشوفو هنا تطبيقي للمبطن الملفوف
ان شاء الله بكرة انزل باقي الفطور كان حيانا الله طيبين
هذا تطبيقي للعجولة
تطبيقي للمبطن الملفوف للغالية العجولة

هههههههه حاضر والله كل مره بنقول بنصور فطورى وننسى

لين نلقاه تام هههههههههههه

[أم عمورى]

نانى ان شاءالله تو نشوفها

بارك الله فيك حبيبتى

[ام السنفور]

ام شذى
البريانى هو اسم الارز اللي كتبت طريقته بهار البريانى يبيعو فيه مجموعه بهارات مخلطات في باكو حتى في ليبيا يبيعو فيه راهو

حبيبة زوجها
ههههه صار من عام الفيل معاش سمعتيها كلمة فيشطة هههه تعرفي هو لو تشوفيهم المصارين كيف انظيفات واملحات علي طول اديري فيهم فيشطة وماشاء الله فطورك قنين وماشاء الله علي بنوتك بتطلع افيلحة زي مامتها مافيهاش اتنين يحكو فيها


ابريكه
عرفتك بديتى تخرطى لما قلتى كبيسة
عرفتى هو البريانى يهبل ويجنن بصراحة انى لازم وجبة اسبوعية في الايام العادية عندى الشنبير يموت فيه حتى كان بنديره مريرتين في الاسبوع مايقولش لا وحتى مرة روحت لي ليبيا ودرته لاماليا ولحوش شيابينى خصوصي حوش شيابينى عجبهم بكل درتهالهم كم من مرة وتوا بدو يديرو فيه يعنى اعتمدو الوصفة

نانى
ماشاء الله فطور معتبر حتى انى اليوم درت بوريك الملسوقه وخبيزة الحوش كان يشوفوها السنفير يحبها يقول زي خبزة ليبيا هههههههههه

ام سومة
الحمد لله علي سلامة كميرتك ان شاء الله

[ناني2007]

ابريكه ان شاءالله تو نشوفها

بارك الله فيك

انا ناني مش ابريكةهههههه

[أم عمورى]

انا ناني مش ابريكةهههههه

هههههههههههه عدلتها

سورى غلطت

[omsuma65]

صحتي ياابريكه ان شاء الله انزغرطولك وانت مروحه
والله رديت عليك امبكري من اول مالقيت
ردك هنا بري شوفي واي استفسار اني هني

[Haya]

أم سنفور مشكوره للتوضيح
ناني مشكوره لرابط الكبه
لي زمان نبي نتعلمها إموووووووواه
أم عموري نستنو في الصفره ههه

[النرجس الغالي]

مبروك الجزء الثالث ومساء الانوار والبركه على عيون الكل سفر تهبل
ويارب عامر وزايد خير ربى عليكم حبايبى
مبدعه حبيبة زوجها لو تتكرمى بطريقة بيتزا الظروف والكباب اللى مع البرغل كيف
وبالنسبه للحلو هذا كاب كيك مدايرتيله تجويف وحاشيته ولا كيف
وتسلم الايادى للكل المبدعات