السلام عليكم و رحمة الله
ازيكم يا عسولات النت كله يا رب تكونو حلوين وكله تمااااااااااام
امبارح عملت دونات وفضلت عندي عجينة ففكرت اعمل بيها ايه
فقلت اعمل ميني بيتزا
دورت على موزاريلا
.
.
ملقيتش
بس مهمنيش
.
.
دورت على صلصة البيتزا
.
.
ملقيتش
برضو مهمنيش
.
قلت اقضيها باي حاجة و زي ما تطلع
وبصراحة طلعت جميييلة وعجبتني
و عجبت زوجي اللي مبتعجبهوش اي حاجة بسهولة
ندخل في الموضوع بقى:
مقادير العجينة كانت:
ملعقة كبيرة خميرة فورية
كوب ونصف حليب دافئ
بيضتين
1/3 كوب زبدة
م ص ملح
م ك سكر
5ك دقيق
بس دول عملو الدونات والبيتزا
المهم طريقة العجينة طبعا معروفة نخمر الخميرة مع م ص سكر في ماء دافئ
وبعد ما تتخمر نخلط المكونات السائلة والبيض مع الخميرة ونخلط المكونات الجافة مع بعض ونضيفهم بالتدريج لخليط الخميرة ونعجن لحد ما تتماسك العجينة وتمط
وما تلزقش نغطيها ونسيبها تخمر..
وبعدين نفردها على سطح مرشوش بالدقيق و نقطعها الى دوائر متوسطة الحجم
ودي العجينة بعد ما قطعتها
ودا بعد ما خليتها تخمر نص ساعة تقريبا
وبعدين حضرت المكونات دي
2 طماطم
2 فلفل اخضر لو عندك ملون يبى احلى كمان
1 فلفل شطة
1 بصل ولو عندك ابيض يكون احلى لو معندكيش قضيها وخلاص
استعملت الباربيكيو صوص و طلع طعمها تحفة لو عندك ماشي عندك كاتشب
ماشي اما لو عندك صوص البيتزا ........برضو ماشي
عايزة تحطي زيتون لو عايزة حطي انا مش بحبه اوي
وبعدين قطعت كل الخضروات قطع صغيرة مع رشة ملح و رشة فلفل و رشة زعتر و
شوية زيت زيتون و قلبت كله
افردي بقى العجينة من الوسط الى الخارج وخلي اطرافها سميكة شوية زي الصورة
وهنا بعد دهنها بالباربيكيو صوص
وبعدين تحطي معلقة كبيرة من خليط الخضار وتفرديها
و بعدين تدخليها فرن حاااااااااااار بس تراقبيها لمدة 10 الى 15 دقيقة بالكتير
وبعدين 5 دقايق تحت الشواية
ودا بعد ما خرجت وكانت ريحتها تحفة وماليه البيت
و دا لما خرجت ماشاء الله
خفيفة و طعمة وتنفع اوي للرحلات والمدرسة لانها جميلة حتى لما تبرد
و دول لاول عسولة ترد على الموضوع
ولا اقولكم....كلكم معزومين بس يا رب تعجبكم
يا رب تكون اول مشاركة حلوة وتعجبكم
السلام عليكم
الروابط المفضلة