حبايبى كل سنة وانتى طيبة بمناسبة شهر رمضان الكريم
وبمناسبة هذا الشهر جيبت ليكم اطباق الفراخ
الى هتحتاجيها على سفريتك فى رمضان
الموضوعى من عملى الشخصى
عند نقله يذكر اسم asmaa14
1_الطبق الاول :
(فراخ بالخضار فى الفرن )
______________________
المقادير
******
*فرخة مغسولة بالدقيق والملح ثم بالماء كويس .
*عدد 3 حبات بطاطس .
*3 حبات فلفل رومى .
*ملح,فلفل اسود ناعم,كمون,بهارات فراخ .
*كزبرة ناشفة .
*زيت .
________________________________________________
الطريقة :
******
*قطعى البطاطس والبصل والفلفل الرومى حلقات متوسطة
*اخلطى الملح والفلفل و البهارات والكمون والكزبرة
مع بعض ثم حطيهم على الفرخة وافضلى قلبيهم مع بعض كويس
*هاتى الصينية وادهنيها كويس زيت ثم حطى شوية خضار ثم رصصى اجزاء الفراخ
*ضعى باقى الخضار ووضبطى الخليط كده بايديك ثم ضعى حوالى
2 معلقة زيت
@غطى الصينية بورق فويل ودخليها الفرن حوالى ساعة او ازيد نص ساعة
لحد ماتبصى عليها وتنغذى الفراخ بالسكينة
تلاقيها استوت شيلى الفويل وسيبيها 5 دقائق
يادوب تاخد لون من فوق وحيكون فيها شوية صوص .....
(يارب تعجبكم )
.................................................. ..................................................
2-الطبق التانى :
____________
الكوردن بلو
__________
المقادير :
******
*نص كيلو صدور فراخ مخلية او(حسب العدد المطلوب )
*(كوب ونص دقيق ,2 معلقة كبيرة نشا) كورن فلاور
*كوب ونص بقسماط , 2بيضة مضروبة بالشوكة , ملح , فلفل, شرائح جبنة شيدر او جبنة موزاريلا , زيت للتحمير , زيت زيتون (اسود او اخضر )
______________________________________
الطريقة :
******
تفتح صدور الدجاج بالطول بالسكينة بس ما تفصيلهاش عن بعض
يعنى تبقى ممسوكة من جمب واحد .
تفرد وتوضع بين قطعتين من ورق البلاستك و تدق بالمدق بتاع
البوفتيك حتى تصبح رفيعة .
تتبلل بالملح والفلفل .
تفرد كل شريحة دجاج على طبق مسطح .
نضع شريحة جبن على نصف شريحة الدجاج ثم زيتون اسود ثم شريحة جبن اخرى .
يقفل نصف شريحة الدجاج الاخر فوقهم يعنى كانك حشيتى سندوتش ويضغط عليه عشان نتاكد انه اتقفل كويس .
تكرر نفس العملية مع باقى شرائح الدجاج .
يوضع البيض المخفوق فى طبق . ونخلط الدقيق والنشا فى طبق لوحدهم ويوضع البقسماط فى طبق اخر .
تمزج كل شريحة دجاج بالدقيق مع الضغط باليد لتلصق جيدا .
ثم نضعه فى البيض المخفوق ثم فى البقسماط مع الضغط جيدا باليد .
رصى بقى الدجاج بعد ماخلص وحطيه حوالى نصف ساعة فى الثلاجة .
يسخن الزيت فى مقلايه كبيرة ثم يحمر الدجاج (الكوردن بلو)
على الجانبين حتى يصبح ذهبى اللون .
_________________________________________
ملحوظة :. ليكى حرية الاختيار ف الحشو يعنى ممكن شريحة سلامى مع الجبنة والزيتون وممكن بصل وفلفل رومى مع الجبنة وممكن شرائح سوسبس زى ماتحبى ياقمر
يتبع ......
الروابط المفضلة