السلام عليكم ورحمة الله وبركاته
ان شاء الله الكل يكون بخير ونعمه من الله
اخواتي الحبيبات ارجو منكم الدعاء لابن اختي محمد الله يشفيها ويصبر امه يارب
ابن اختي الان عمره 11 سنة الاطباء شخصوا حالته وهو 5 سنوات انه توحد وفرط حركه واختي راحت لاكثر من دكتور والحمد لله على مشيئة الله اللهم لا اعتراض واخر دكتور شخص الحاله انه نوع من التخلف العقلي المهم اختي والحمد لله ربنا يصبرها جابت لابنها مدرسة في البيت وما بتبخل عليه باي حاجه من تعليم وبتحفظه قران ومفيش حاجه تسمعها عن حالة ابنها غير انها تعملها اخد جلسات تخاطب وسافرت بيه لكل مكان تسمع عن دكتور
لكن دلوقت من كام يوم بقا بيتنرفز دايما وعايز يخرج بره على طول يمشي هي دايما بتخرجه لكن مش هاتبقا طول النهار بره وبعدين جوزها متوفي وعندها بنتين اكبر من محمد ما شاء الله عليهم ربنا يعوضها خير فيهم يارب ثانوية عامه واعدادية وربنا يكرمهم متفوقات
راحت للدكتور وزود ليها جرعة المهدئ شويه
اخواتي عذرا على الاطاله لكن والله قلبي تعبان والكل بيبكي حتى ابني الصغير من كتر بكاء محمد ونرفزته وبكاء امه حتى انه بيضرب وشه مش عايز يقعد في البيت واول ما يدخل البيت او يقرب منه يعمل الل بيعمله الله يهديه يارب ويصبر امه يارب
اللهم ياكريم ياسميع اخلق الدواء لداء محمد واللي زي محمد يارب واهدي الاطباء لاكتشافه
جزاكم الله خيرا
الروابط المفضلة