أولا أحب أعرفكوا بنفسى أنا مروة من مصر
و انا من كتر الريجيمات اللى عملتها تعبت من 90 كج الى 78 كج ثم زيادة الى كج80 ثم زيادة الى 120 ( ما تتخضوش )ايوة 120 كج بلا فخر مع أن طولى 170 سم فقط.... ثم نزول الى 67 كج و كانت أجمل فترات حياتى...... كل دة من 1988---------الي 2004 أنا أخر مرة شفت الرقم دة على الميزان كان من سنة تقريبا......و مش عارفة من ساعتها اية اللى حصل....... أنا في زيادة حتى وصل وزني الان 90 مع أنى قعدت حاجة بتاع سنتين من 2002------الى 2004 محافظة على الوزن مابين 67---70......
فقررت أعمل ريجيم من أختراعى كنت جربتة من زمان و نزلت علية 12 كج في شهر . و هو عبارة عن 30 يوم فاكهة فقط, كل أنواع الفاكهة بكل الكميا ت, ايوة كل أنواع الفاكهة ( موز, عنب,مانجو,.......... كل الفاكهة الى أنا عاوزاها ) و بكميات غير محددة يعنى كل ما أجوع أكل....
لكن المرة دي حاكل كل أسبوع أو أسبوعين نوع واحد, أنا عارفة أنو صعب بس تخيلوا من 67 الي 90 في سنة أنا مش عارفة أنا سبت نفسى كدة لية...... نفسى حتى أنزل 10 كج عشان أتشجع....
أصل أنا جربت كل أنواع الريجيم اللى في الدنيا و ما باخسش غير علي أنظمة ال مونو دايت ( اللي باكل فية نوع أكل واحد لمدة معينة ) أنا عارفة أنو مش كويس و بيرجع تانى كل الكيلوات اللى بخسهم بس أنا برجع لأني مش بحافظ بصراحة بفترى فى الأكل يعنى أنتقام الجبابرة لكن لو حافظت و أكلت بأعتدال مش حتخن
أنا أبتديت أمبارح 6/6/2005 و حاطة هدف سنة عشان أرجع تانى في الستينات 60---62 و نفسى ربنا يوفقني..... أدعولى والنبى...... حد يحب يشاركنى .....؟
رد مع الاستدلال
الروابط المفضلة