السلام عليكم وكل سنه وانتم طيبين وعيد سعيد علي المسلمين جميعا
طبعا في مصر لنا عاداتنا في ايام العيد وفي اطباق بنتميز بيها وانا عاداتي زي ماتعودت عليها في بيت اهلي اننا
اول يوم بعد الصلاه بنفطر كبده وطحال واحيانا الكرشه كمان وفي الغدا طبعا صينية الرقاق باللحمه والفته بالموزه وتاني يوم بنشوي الريش ونعمل كفته مشويه وتالت يوم ممكن باميه باللحمه الضاني والرز المعمر وكمان الرقاق باللحمه ومحشي الممبار يعني كل يوم مختلف