ماذا افعل مع خادمتي الاندونيسية

[خلق الحياء]

مرحبا اختي انا بسمع كتييييير من هالمشاكل اللي بتسير انتي فهمي الشغالة انو لما زوجك يجي على البيت هيي تفوت على غرفتها ما تطلع منها الا لما زوجك يطلع من البيت هادا احسن حل انا حماتي عندها شغالة اندونيسية هيك بتتعامل معها لما بيجي حماي على البيت يتغدا بتترك الشغالة كل شي بايدها وبتروح على الغرفة ممكن تخليها تكوي الغسيل او ترتب غرفة معينة والباب مسكر عليها هيك انتي بتاخدي راحتك وزوجك كمان والله يوفقك

[ام حمزه وساره]

حبيبتي
بايد حل هالمشكله
وتحججي واطلبي من زوجك انك مو بحاجه لخدامه
وانك حابه تبلشي بامور بيتك لوحدك
وان اضطريتي لقدام واحتجي خدامه وقتها بصير خير
انتي بحكمتك وتصرفك الذكي بتقدري تصرفيها بذكاء
واحكي انك مو محتاجه هالفرة لخدامه بالبيت
وانك موفقه بيت البيت وبنتك
وكان الله بالسر عليم
الله يوفقك حبيبتي
وطمنينا عنك

[عزوتي ابوي]

اهلا غاليتي
بالاول الله يخليلك بنيتك و تكبر تكون عضيد لك
و يبارك لك في زوجك و يسخره لك
الخادمات و خصوصا الاندنوسيات مشكلتهم مع الرجال
لا تنتهي!!
طالما انك جبتيها اشغليها يعني لا تعطينها فرصه
تتسنت والا تفضا خليها تغسل الثلاجة و كل فتره
تجرد المطبخ تطلع كل المواعين وتمسح الدواليب و ترجع
اشغليها باشيا ثقيله عشان ينهد حيلها و ماتفضا لكم
اما بنتك لو عودتيها تربطينها بكرسي باي مكان تروحين له
واذا كبرت شوي بالمشايه راح يمشي الحال !
وبالعكس لو خليني زوجك يساعدك و حسستيه بالمسؤليه
ولبس الخادمه لبسيها بنجابي طويل عشان ماتطلع ساقها
الله يحفظكم من كل شر

[vilot]

اهلا حبيبتي فيوليت صراحه قصتك مو اول قصه وفيه ناااااس كتييييير اعرفهم صاير لهم نفس الشي ومع الاسف كانت العواقب وخيمه انتي لسى ببداية حياتك وبقمة نشاطك ماشاء الله عليكي وماعندك الا طفله وحده يعني كل بنت بالدنيا نفس مواصفاتك تقدر تقوم ببيتها وبنتها بدون خادمه وانتي برضو لسى صغيره يمكن احتجتيها وقت التعب ومابعد الولاده لكن الحين مالها اي لزمه وعلى فكره الخادمات بشكل عام يعجبهم الرجل العربي لكن فيه ناس يبين عليهم وناس لا وخادمتك حركاتها واضحه وما تحتاج انك تستشيري احد خليها تروح حبيبتي وانتبهي لبيتك
ترى الرجال ماينضمن لو روحه فيك والحياه تتغير بعد اول مولود وتكثر الخلافات وتحسيه متغير هذا شي طبيعي موجود بكل مكان لاتخافي فتره وتتعودوا انا اشوف انك ترحليها وتكسبي راحة بالك وقولي لزوجك انا اول كنت تعبانه واحتاجها الحين خلاص تعذري باي شي قولي ابي اخذ راحتي ببيتي والبس على كيفي والله مصايبها كثييير واحنا مو زي زمان عشان تضبطينها احنا ب 2011يعني حتى الشغالات تفتحوا على امور كثيره وتغيرت الحياه انتبهي منها ولا تعاديها عشان بنتك والله وحده اعرفها ذبحت الشغاله بنتها ورمتها بالقمامه حسد وحقد على امها وعلى حياتها الهنيه اتبهي يااختي ولحقي حياتك وانتي ماشا الله لسى ببداية حياتك يعني اللي بدون شغاله يمكن حاله افضل من حالك عيشي حياتك وخذي راحتك فيها والباب اللي يجي منه ريح سده واستريــــــــــــــــــــــــــــــــــــــــــــ ـــــــــــــــح ماقالوها من فراااغ وبالاخر هذي حياتك وانتي ادرى بها اكيد شوفي اللي يناسبك واعمليه واسفه للاطاله عليكي وطمنيني اش يصير معك والله يحفظ لك زوجك وبنتك وان كان تريد بكم شر فالله يرده في نفسها

الله يجيرنا منهم ويحفظ عيالنا وعيال كل المسلمين منهم يارب

حبيبتي اشكرك على نصيحتك ووقتك انابعد ما اشرتوا علي كلكم اني ارحلها فكرت بشكل جدي وقررت اصارح زوجي عن بعض الاشيا الي تزعجني من الخدامه وتجنبت اذكر له عن موضوع الحركات وانها تكشف رجولها ووا كل هالاشيا علشان ما الفت نظره وتفكيره لشي ما شاغل باله وراعيت الذمه والضمير في سرد الاحداث مثل ماهي بدون زيادة او نقصان لاني ما احب اظلم احد واستغربت ان زوجي كان مفكر ان يجيب خدامتين بدل الوحده وفي النهاية قال لي مايصير خاطرك الا طيب بس انتي اصبري عليها بس تخلص مدتها وتروح واذا صار شي خبريني بكل شي بنعطيها فرصة حرام نقطع عيشها

وهذا كل الي صار

تقديري لمرورج حبيبتيsozean

[vilot]

مرحبابج عزوتي ابوي نورتي

بالاول الله يخليلك بنيتك و تكبر تكون عضيد لك
و يبارك لك في زوجك و يسخره لك

آمــــــــين ياقلبي والمسلمين اجمعين

الخادمات و خصوصا الاندنوسيات مشكلتهم مع الرجال
لا تنتهي!!

انا عن نفسي ابصم بهذا الشي بعد ماجربت

طالما انك جبتيها اشغليها يعني لا تعطينها فرصه
تتسنت والا تفضا خليها تغسل الثلاجة و كل فتره
تجرد المطبخ تطلع كل المواعين وتمسح الدواليب و ترجع
اشغليها باشيا ثقيله عشان ينهد حيلها و ماتفضا لكم

ولا يهمك انا مشكلتي كنت طيبه واراعيها وايد في البداية واحيانا اساعدها
لانها بطيئة في الشغل

اما بنتك لو عودتيها تربطينها بكرسي باي مكان تروحين له
واذا كبرت شوي بالمشايه راح يمشي الحال !

تصدقين بنتي ما شاء الله عليها غير هي الي امشتني على هواها ماترضى تنربط واحيانا ترضى تقعد في المشاية احيانا لو تحاولين المستحيل ما ترضى حتى الحليب تشربه وانا امشي فيها او اقعد جنب التلفويون او اعمل لها حركات بيدي

وبالعكس لو خليني زوجك يساعدك و حسستيه بالمسؤليه

زوجي بيهرب من البيت اذا حملته مسؤوليه يحب الدلال وعلى حسب مزاجه احيانا هو الي يطبخ بس في هاليوم ما ناكل وطبعا اي تصليحات في البيت تكون مسؤليته وما انكر يمسك البنت اذا انا كنت مشغوله ويلاعبها بس اذا مشغول في شي او يكون برى البيت تعصلق

ولبس الخادمه لبسيها بنجابي طويل عشان ماتطلع ساقها
الله يحفظكم من كل شر

يختي لبستها بنجابي وصارت تثني وترفعه لفوق بس بعد ما شديت عليها اخر مره اشوفها اعتدلت وان شاء الله تستمر وحاليا خفيت عليها ورخيت علشان اعلمها كيف تقدر تكسبني وكيف تقدر تخلي حياتها جحيم وهذي خلاص آخر فرصه لها


اشكرك على مساعدتك حبيبتي ماراح انسى لك هالجميل عطيتيني حل ماكنت مفكره في وهي اني اهد حيلها بالشغل

[vilot]

والله ما احب ازرع الخوف بس هذا النوع من الخادمات ما لها حل .. الى تجى محتشمه وتحترمك كلام ما عليها حركات تطلع بعد فتره بمكشاكل مالها اول ولا اخر


وعادى قولى لزوجك انك ما تحسى بالراحه بوجدها ممكن تتنازلى عنها واعطيها ام زوجك

اشكرك حبيبتي الورد في اكمام الانك مهتمه بموضوعي

ومعاج حق في البداية كانت تتصنع الحشمه وتقولي مدام دايما خذي لي لبس طويل ومقفل وكلامها واسلوبه كان غير شكل وانصدمت بالواقع بعدين وهذا الي مخلي اهل زوجي وزوجي يشوفونها ملاك نازل من السما ع العموم انا بديت امهد وكلمت زوجي وارتحت انه تفهم الوضع وهو ملاحظ بتقصيرها ونسيانه المتكرر للشغل وقلت له انها تحاول تختلق مشاكل بيني وبينه وانها بدون ما اطلب منها تخبرني بمواعيد خروجه ومتى يتكلم بالتيليفون ومتى يطول في الكلام واحياناتنقل كلام حرفي هو قاله وهذا واقع انا مازدت فيه وهذي النقطه كانت في صفي بس موضوع انها تحاول تغرية نهائيا ماجبته لاني لو اثرته يمكن اخرب بيتي بايدي رغم اني واثقة ثقه عمياء في زوجي بس بعد ماحب اغفل او اسيب الحبل مرخي لان الشيطان شاطر

تقديري لك

[. تيوليب***]

ماشاء الله عليكِ اختي حكيمه الله ييسر لك امورك وتقدري تقومي بواجباتك المنزليه ورعاية بنتك على خير وجه
اذا كنتِ اتفقتِ مع زوجك انها تكمل المده لا تخبريها انكم ناويين تسفروها
حتى لا تحاول جاهده تظل عندكم وممكن تسحر لكم لا سمح الله
مثل ما قالوا الاخوات ما تخليها تخرج من غرفتها في وجوده وملابسها تكون محترمه وامنعيها تدخل غرفتكم واي مشوار خديها معك لا تتركيها وحدها في البيت
وفاجأيها في نهاية المده انكم بتسفروها واشتروا لها هدايا لها و لاهلها يعني تمشي وهي راضيه احسن ما تعمل لكم سحر في بلدها وكمان حرام لما تتفاجأ ما في وقت تشتري هدايا
وادعي دايماً الله يكفيكم شرها وشغلي دائماً سورة البقره في البيت لطرد الشيطان اللي يوسوس لها وعلشان الله يحفظكم
واستودعي الله زوجك وابنتك ونفسك الله يحفظكم من كل شر

[vilot]

اختي بما ان نفسيتك بتتعب من الشغالة والله بدونها

احسن لك ونظمي يومك والله راح ترتاحين من الخدم

وبعدين قلتي اني اعمل تمارين رياضية خلي رياضتك في بيتك والله اهم شيء الراحة النفسية والخدم مشاكلهم كثيرة اللهم اغننا عنهم بالعافية

يسلم لي مرورك عزيزتي دمعتي الماس

واشكر اهتمامك ونصيحتك الطيبه

نورتي

[غنة]

يقول المثل ابعد عن الشر وغني له ...انت وصلت لمرحلة نفسيتك اصبحتك تتعب من وجود الخدامة بجد بلاش من الخدامة فارقيها اعطيها حقها وبكلام طيب كده ترتاحي انك ما ظلمتيها لكن هيك بدونها ستجدين راحتك في بيتك وتقضي احلى اياااام شبابك مع بنتك نووور القلب وزوجك الغالي عليك وما في احد في البيت يضايقك انت ماشاءالله باين عليك قائمة بالواجب من طبخ وغيره يعنى كل شغل البيت تبارك الله عليك ... لا تخافي على بنتك لما تروح تستحمي ...كل هذا نصيحة عن تجربة المهم راحة البال تعيشي اسعد زوجة والا فالعكس ...الله يحفظك ويسعدك

[vilot]

مرحبا اختي انا بسمع كتييييير من هالمشاكل اللي بتسير انتي فهمي الشغالة انو لما زوجك يجي على البيت هيي تفوت على غرفتها ما تطلع منها الا لما زوجك يطلع من البيت هادا احسن حل انا حماتي عندها شغالة اندونيسية هيك بتتعامل معها لما بيجي حماي على البيت يتغدا بتترك الشغالة كل شي بايدها وبتروح على الغرفة ممكن تخليها تكوي الغسيل او ترتب غرفة معينة والباب مسكر عليها هيك انتي بتاخدي راحتك وزوجك كمان والله يوفقك

مرحبابج عزيزتي خلق الحياء نورتي الموضوع

وتصدقين فكرتج روعه بس شو اعمل احيانا زوجي يناديها اذا انا كنت مشغولة بشي رغم اني اقول له انا اترك الي بيدي واجي لك بس يطالعني ويبتسم كأنه يتسلى بغيرتي يمكن تبين بعيني بدون ما احس

بحاول اطبق هالفكره عجبتني وايد

تسلمين حبيبتي