السلام عليكم ورحمة الله وبركاته
عزيزاتي اتمنى تكونون بصحة وسلامة
هذي اول مشاركة لي و تمنيت ماتكون بهذي الشكل بس هذا نصيبي
اتمنى تساعدوني انا لسه بادية حياتي متزوجه من سنتين وانجبت بنوته حلوه من 7 اشهر والحمد الله استرجعت رشاقتي ومازلت استمر على نظام غذائي والرياضة اليومية علشان اكون احلى واحلى امام زوجي مع العلم ان اول ما انجبت بنتي بدت اول الخلافات بيني وبين زوجي واحيانا كانت توصل لطرق مسدوده المهم حاولت اجي على نفسي واتحمل كل شي والحمدالله حياتنا استمرت
المهم.. موضوعي هو عن خدامتي الاندونيسية
وهاذي اول تجربة لي مع الخدم بشكل مباشر ولو ماكان بيتي كبير ويستدعي وجود خدامه ماكنت بجيبها وبتركها تعكر صفو بيتي ولان ماعندي احد يشوف بنتي بالوقت الي بطبخ فية او بدخل اسبح
المهم انا لاحظت من اول ما جت الخدامه وهي تحاول تغري زوجي مره تنام وتطلع رجلها لحد الركب واحيانا اكثر ومره تغني وترقق صوتها عشان يسمعها وودايما تحاول تاخذ بنتي من ايدي لما تسمع صوت زوجي نازل من فوق او جاي من برى بس طبعا انا افهمها وهي طايره ودايما تتنسط من ورا الابواب واحيانا اذا زوجي طلب مني شي قبل ما اروح اسوي الاقيه جايه تجري وهي جايبته ورغم انها حاولت تكسب بنتي الا ان بنتي تحبني حتى اكثر من ابوها وما قدرت تكسب قلبها
طبعا انا مايرضيني هذا الشي لاني احب زوجي واسوي له كل شي بحب حتى ملابسة انا اغسلهم وفي عامل اسيوي هو الي يكويها ما اعطيها فرصه
تلمس غرض من غرضه
واحب بنتي وما انشغل عنها فتره طويله واحيانا اخليها معاي بالمطبخ.
حبيباتي ساعدوني ابي اوقفها عند حدها والحزم والشده مو نافعه معاها تصلح سلوكه يوم ويومين بعدين ترجع نفس الاول
والحمد لله ان هي مش جميله ولا فيها حلاه ع الاقل مش من ذوق زوجي بس بعد الشيطان شاطر
وانا في كل مره اتدارك الوضع ولا مره شافها وهي كاشفه عورتها كنت انا الي اشوفها دايما و ابد ما احسس زوجي بشي وامدحها جدامه على شان ما يقول غيرانه منها بس اخاف يوم من الايام يصير شي خارج عن ارادتي وهذا الشي راح يهدم حياتي للابد لاني اتحمل اي شي الا الخيانه
اذا في احد عنده خبره ارجوكم ساعدوني محتاجه النصح والارشاد
بحكم اني ما عندي احد حولي اقدر اعتمد عليه واعطيه اسرار بيتي
وياخذها بنية صافية
أختكم :فيوليت
رد مع الاستدلال
كتبت بواسطة الورد فى الاكمام
الروابط المفضلة