** موضوع متميز ** تفضلوا شوفوا معجناتي البسيطة
السلام عليكم ورحمة الله وبركاته
اليوم عملت معجنات بسيطة بس طيبة كتير ولاني كنت فاتحة بيت فلسطيني فاتت كم اخت عالبيت الاخت فلور 10 والاخت تليت وسالوني عن هالمعجنات ونزلت هالموضوع من شاننللامانة شفت عالعجينة بمنتدى تاني لوحدة اسما ريشة الله يجزيها كل خير
المقادير:
4كوب طحين ابيض
نص كوب زيت نباتي
4 ملاعق كبيرة حليب بودرة
3ملاعق صغار خميرة فورية
معلقة كبيرة سكر+معلقة صغيرة ملح
الطريقة :طبعا سهلة جدااااااا بتخلطي المواد السائلة مع بعض وبتضربين بالمضرب اليدوي منيح بعدين بنحط الطحين بشكل تدريجي لحتى تتكون عنا عجينة طرية ومريحة بالشغل بنغطي العجينة وبنحطا بمكان دافء مدة ساعة وبعد ساعة بنكورن كور صغيرة وبنخلين يرتاحوا 10 دقايق وبعدين بنبلش الشغل
طبعا انا كنت مجهزة حشوات ويلي هي:
جبنة بيضا مع رشة قزحة
جبنة بيضا مع شوية زعتر
جبنة بيضا مع رشة سماق
جبنة كرافت
واكيد عملت مناقيش زعتر بنفس العجينة وحاليا عم اكتب بايد والايد التانية عم اكل فيا هههههههههههههه
سامحوني اذا وجعتلكن راسكن بالحكي
ادعولي دعوة حلوة الله يرضى عليكن
بامان الله
رد مع الاستدلال
الروابط المفضلة