طريقة مجربة وسهلة جدا لعمل القطايف اللذيذة... لا تفوتكم!
السلام عليكم ورحمة الله وبركاته
من أرض الغربة حيث لا شيء مما نألفه في رمضان ، ورمضان علي الابواب ، كل سنة وانتم طيبين وربنا يعينكم علي الطاعات.
وبما إن رمضان علي الأبواب وانتم عارفين لا تخلو مائدته من الحلويات والقطايف والكنافه وخلافه ، قلت اقدم لكم طريقة عمل القطايف النهاردة.
طبعا طبعا هي موجودة وجاهزة في كل مكان وما اسهل شراءها وخلاص لكن...الحاجة اللي بتعمليها بإيدك اطعم كتير ولها مذاق خاص ولعلها تكون سبب في اعجاب زوجك بيكي ورضاه عنك
وكمان اللي في غربة زيي لازم تتعلم تعمل كل حاجة بنفسها وإلا مش هتشوفها لا هي ولا الأسرة بكاملها في هذه البلد النائية .
علي فكرة دي اول مشاركة ليه في القسم ده وفي المنتدي عموما واتمني يارب تعجبكم وياريت تجربوها وتردوا عليه اكيد ردودكم هتخفف عني كتيرمن احساسي بالغربة وهتسعدني جدا جدا.
خلونا بقي نبتدي...
اولا المقادير:
كوبين دقيق.
نص كوب دقيق سميط(سميد) ناعم.
ملعقة متوسطة باكنج باودر.
ملعقة متوسطة سكر.
3 أكواب ماء.
ثانيا الطريقة:
1- توضع المقاديرفي الخلاط وتضرب جيدا حتي تمتزج جميعا.
2- تترك لتخمر من 10 إلي 15 دقيقة.
3- توضع مقلاة تيفال علي النار المتوسطة حتي تسخن.
4- نصب كمية مناسبة من الخليط بحيث نحصل علي قرص القطايف بحجمه المعروف.
(إذا كانت المقلاة صغيرة يفضل عمل قرص قرص حتي لا تلتصق الاقراص ببعضها).
5- بمجرد ان يتغير لون القرص حيث يتحول الي عجين متماسك يرفع من علي النار مع ملاحظة ان يكون لونه من اسفل بين الاصفر والبرتقالي. لا يترك القرص طويلا حتي لا يجف ويصبح من الصعب اغلاقه عند الحشو.
6- يفضل حشوها بعد لحظات من عملها ، وتحشي بالزبيب وجوز الهند وممكن إضافة مكسرات.
7- تقلي في كمية زيت كافية حتي تحمر.
8- تغمر في الشربات البارد.
ملحوظة ممكن عمل كمية كافية وحشوها وتحفظ في الفريزر لحين استخدامها حيث تحمر وتسقس بالشربات.
وبالهنا والشفا ولا تنسوني من صالح الدعاء.
سبحان الله وبحمده، عدد خلقه، ورضا نفسه، وزنة عرشة، ومداد كلماته.[SIZE=4]السلام عليكم ورحمة الله وبركاته
رد مع الاستدلال
الروابط المفضلة