خدمة من بناااااااات الرياض لو سمحتوا ؟؟؟

**ran-2000** · 29-06-2002, 03:50 PM

بعد اسبوعين إنشاء الله نازله الرياض وحابه أعرف منكم بعض المعلومات ..
أفضل الفنادق في شارع العليا......... وشارع الملك فهد ؟؟
محلات أكسسوارت منزليه ؟؟
محلات أكسسوارات الستائر ؟؟
أماكن ترفيهية للأطفال ؟؟؟؟؟
مطاعم أكلها حلو ؟؟

شاكرة لكم حسن تعاونكم .........

**شمالية غربية** · 29-06-2002, 04:41 PM

يعني بس بنات الرياض ...ماينفع بنات الشمال.

شوفي :
1-المطاعم :
ابو كمال ...روعه
مطعم شيزان ..(هندي ) في العليا خلف التعاونية :
اكلهم شي ,وماراح تستغني عنه كل يوم تحضري عندهم .. بعض اطباقهم ..اللذييييييييييييييييذة.
1-دجاج كراهي
2-دجاج خمسة وستون ..روعه ولذيذ مره
3-دجاج ماسالا
4-برياني شيزان الخاص
5-بهندي (بامية )
6-مشويات مشكلة
7- لحم نلجري
------------------
محلات اكسسوارات منزلية:
باخشوين اللي في نهاية طريق الامير عبد الله وانتي رايحه ل(ايكيا),بجانب العزيزية بندة روعه مره الدور الاول مستلزمات المطبخ (اطقم سفرة ,اواني فخارية اشكال وانواع .., تحف ,ورود مجففة ..الخ )
الدور الثاني اكسسوارات البيت (مناشف للحمامات اللي تجي طقم كامل , براويز للصور مميزة مره وما شفتها الا عندهم , خداديات اطقم مع المفارش حقتها للطاولات

,مفارش سفرة ,مسكات لمناديل السفرة ماشفتها الا عندهم , مناديل للسفرة روعه ..الخ )
------
2- مركز هوم سنتر ,عنده كل مستلزمات البيت والحديقة ,له فرعين ,روحي للفرع الكبير(اللي في شارع التحلية ..) لانه هو اللي تحصلين عنده كل شي جديد.
-----
3-هوم بلازا ..اكيد تعرفينه..
------
سوق الجملة حق التحف ..تلاقينه في شارع الثميري (اسالي عنه هناك وهم يدلونك..)"JH"
--------
مستلزمات الستائر :
روحي لسوق الجملة حق الستائر ,كل شي عندهم ,مثل اللي انتي حاطته في موضوعك غرف النوم..(عندهم محل اسمه جواهر

, ..
----------
عندك كل المحلات المختصة بورق الجدران في شارع الخزان ..
---------
ملاعب الاطفال:
مااعرف لان الله سبحانه وتعالى لسى مارزقني باطفال ...
--------
محلات البخور والاطياب ..الخ :
عندك مركز المعيقلية الدور الثاني ,تلاقين كل المحلات لانه سوق الجملة حق البخور ,والموزعين له ..
------------
انصحك بالنسبة للعب الاطفال والمكياج والاكسسوارات ,كلها تلاقينها في سوق الجملة شارع الثميري , اسعارهم ارخص من المحلات اللي داخل الرياض , وشامل فيه كل شي ,ولا يحتاج تلفين بين المراكز ولا شي..
-----------

**عنوده** · 29-06-2002, 09:17 PM

هلا بك اختي بتنورين الرياض

بالنسبه للاثاث زياده على اللي قالته شماليه

ايكيا : حلو لاكسسوارات غرف الاطفال او الاكسسوارات بالعموم

اي دي ديزاين : اثاثهم حلو وغريب بس اسعارهم مش ولابد يعني غاليه شوي

tha one: له فرعين بس الكبير هو الحلو وموجود جنب الطازج بطريق الامير عبد الله

المطاعم : اذا كنتي تحبين الاكل التركي فيه السرايا التركي بشارع الثلاثين اكلهم خطير

وخدمتهم سريييعه

الريف الايطالي : بشارع التحليه مررررره اكلهم حلو

واذا تبغين كفي ترى كل شارع التحليه محلات قهوه بس احلاها ليل عندهم قهوه اسمها

كاراميلو مره حلوه

وفيه هليون : حلو بعد وعندهم قهوه اتوقع ان اسمها موكا جاوا ماتحضرني الحين بس حلوه

**ran-2000** · 30-06-2002, 09:57 AM

شمالية تسلمي يا عمري .........كفيتي ووفيتي والله ما قصرتي ..
بس ممكن إذا ما فيها رزاله أبغى أعرف هوم بلازا يجي عند أي منطقة سكنية من مناطق الرياض ......... عشان أحدد موقعه على الخريطه إلا عندي ..

كذلك سوق الجملة ....... وهوم سنتر الفرع الكبير عند أي منطقة بالضبط ؟؟؟؟؟؟؟؟؟
وتقبلي مني كل التحية والأحتراااااااااااام ..

وهذه لك ..

**ran-2000** · 30-06-2002, 10:00 AM

عنوده مشكوره عزيزتي على الرد ..
والرياض منوره بأصحابها .
بالنسبة لأيكا رحته العام الماضي وناويه أروحه هالمره صرااااااااااااحة يعجبني واجد ..

**أسيرة الغربة** · 30-06-2002, 07:12 PM

الفنادق : عندك الانتر كونتنتيل , الشيرتون , على طريق الملك فهد في العليا وعندك الهولدي ان

أما الشقق المفروشة وخدمتها فندقيه عندك الخليوي , الجنادرية سويتس ...
بالنسبة للمطاعم :
الخليج الصيني والمدائن الصيني اكلهم وجلساتهم لا يعلى عليهم ...
فيه مطعم تركي في شارع الثلاثين رائع بس ما اعرف اسمه ..
فيه يمال الشام على شارع العليا العام

وعلى العموم معلوماتي قديمة شوي يمكن الأخوات عندهم معلومات اجد عن الرياض ...

**شمالية غربية** · 01-07-2002, 01:26 AM

بالنسبة للشقق زي ماقالت اسيرة ,الخليوي وله فرعين على نفس طريق الملك فهد....
هوم بلازا ...وانتي جاية من طريق الملك فهد ,من شمال للجنوب ...راح تلاقين اسواق التميمي على اليمين,تدخلي طريق الخدمة على اليمين ,وتمشي لييييييييين مايلف الخط على اليمين ,تلاقيه على اليمين اول خط طريق خريص...
انشاء الله يكون الوصف واضح..
هوم سنتر شارع التحلية ,وانتي رايحة شرق الرياض....
سوق الجملة شارع الثميري ,جنب مسجد الديرة ,اللي عند قصر الحكم
---------
ومطعم يامال الشام زي ماقالت اسيرة ..وعندهم طبق ورق العنب باللبن ..لذيييييييذ

**ran-2000** · 01-07-2002, 11:40 AM

أسيرة الغربة ..
تسلمي عمري ونخدمك إنشاء الله وقت الحاجة ..
بالنسبة لشقق الخليوي العام الماضي سكنت فيها بالفرع إلا بالعليا ..
صراااااااااااااااااااااااااااحة ما ارتحت بيها أبداً عشان كده السنه رايحه أغير وأسكن في فندق ..
يامال الشام مثل ما قلتي أكله روووووووووووووعة خاصة ورق العنب ..
مشكورة مرة ثانية ..

**ran-2000** · 01-07-2002, 11:43 AM

شموله عمري ......... ما أعرف كيف أشكرك ..
الوصف إنشاء الله واضح ورااااااااااااح أطبعه عشان آخذه معي كدليل .
بالنسبة لسوق الجملة قدرت أحدد موقعها على الخريطة ..

يعطيك ألف عااااااااااااااااااااااااافية ..

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: خدمة من بناااااااات الرياض لو سمحتوا ؟؟؟

أدوات الموضوع

العرض