اللي تحب تعمل خصل بدون ما تأذي شعرها ............. تدخل!!!!!
السلام عليكم و رحمة الله و بركاته
حبيباتي الحلوين......
حبيت أخبركم عن تجربتي اللي من وجهة نظري رائعة من حيث المضمون و النتائج و بدون ما أأذي شعري.....
القصة و ما فيها اني زي حال كتير مننا هلكت شعري صبغات و تمليس و خصل و سشوار ....و ..... و.....
و لكن و بفضل الله و هذا المنتدى الرائع صار ممتاز لكن بعد جهد جهيد من الخلطات و الزيوت و الروائح..... و انتو أدرى.....!!!!!!!!!!!!!
و طبعا طول فترة العناية لم أصبغ و لا أسشور يعني عناية و بس.......... و لي مدة أكثر من 6 شهور ... لكن النتيجة تستاهل و الله....................
و هلأ صراحة حاسة اني زودتها على زوجي ......... يعني شعري ما تغير لونه و لا تسريحته و لا حتى سشوار من 6 شهور و الله كتير و بنفس الوقت ما بدي أخرب اللي أنجزته من تحسن يشعري....... شو أسوي؟شو أسوي؟
شوفوا شو عملت .......... أنا كنت حابة من زمان اني أغمق لون شعري لأنه فاتح كتير ......... فشوفوا شو عملت........ اشتريت حنة سودة و ثانية حمراء............. و أول خطوة اني حنيت شعري بحنة سودة معجونة بميرمية علشان تصير سودة على الآخر.................... و قعدت تقريبا 5 ساعات ثم غسلته و صار اسود يجنن و تركت شعري يومين حتى يثبت اللون تمام
و بعدين عجنت الحنة الحمراء بكركديه حتى تصير حمراء على الآخر و حطيت عليها القليل من بيكربونات الصوديوم و تركتها 24 ساعة و ثاني يوم أخذت العجينة عند الكوافيرة و طلبت منها انو تعمللي خصل لكن بالحنة و بنفس طريقة و توزيع الخصل اللي بالصبغة و بعد ما عملت الخصل و لفتهم بالقصدير ذهبت للبيت طبعا و خليتهم أطول فترة ممكنة بدون فك تقريبا 8 ساعات............... و النتيجة واااااااااااااااااااااااااااااو تغيير جذري لشكلي و شعري و بدون أكسجين و لا كيماويات بل بالعكس شعري ملون و طري مش زي زمان ملون لكن هايش و منكوش و زي الخشب من الأطراف.................
و أي واحدة منكم ممكن تعمل الألوان اللي بدها اياها بالحنة (أسود، بني غامق، بني فاتح، أشقر، أحمر، نحاسي) و تعمل الشعر لون و الخصل عند الكوافيرة لون تاني................ أتمنى الفكرة تكون عجبتكم
و اذا بدكم تعرفو كيف تعملو ألوان من الحنة في المنتدى وصفات كتير من هذا النوع و كلها طبيعي بطبيعي و هو الأفضل لنا جميعا و اللي خايفة من ريحة الحنة ما عليها الا انها تستعمل شامبو ريحته مركزة شوي و ما رح تحس بشي ان شاء الله
أتمنى تكون طريقتي عجبتكم ولا تنسوني من الدعاء بالخير و الهداية.............و آسفة للأطالة [/COLOR]
رد مع الاستدلال
لكن اقنعتينى بتجربتك
كتبت بواسطة مني اهلي
الروابط المفضلة