سؤال لذوات الخبره بالنفاس ؟!!

[أم عــلـــي]

السلام عليكم ,,,

شخباركم حبيباتي ... انا بخاطري سؤال اسأله لذوات الخبره بالنفاس ,,

انا الحمدالله وبفضل الرحمن ولدت .. والحين صارلي 27 يوم ,,

والسؤال اهو .. هل صحيح ان هناك طريقه معينه للاستحمام .. للنفساء

واذا في ,, ممكن تفيدوني ,,

ابي تعطوني بالتفصيل الممل .. وجزاكم الله خير ,,

[lanazn]

والله يا ام علي ما عندي فكرة ...

كل اللي بعرفه انه باول فترة من المفضل انه تكثري من الاستحمام من غير صابون كثير عشان الغرز...

غير هيك ما بعرف ان شاء الله باقي البنات يفيدوكي

[mshmsha_88]

ان شاء الله ذوات الخبره يفيدوكي....
ربنا يقومك من النفاس على خير...
ومبروك على الولاده ربنا يقر عينك به انت و والده

[أم عــلـــي]

تسلمووووووون حبيباتي ما قصرتوا ... بس هم محد جاوبني ..

بليز ابي الي عندهم خبره .. يفيدوني بلييييييييييييز ...

انا بكر وما افهم وايد بشغلات النفاس ..

[المقاتله]

,,

انا قرأت ان الاستحمام ممنوع ,, علشان مايدخلك برد ..

تنظفين جسمك من فوق ومنطقه مابين السره الى الركبه ممنوع ..

فقط الغسولات المحدد لك وتنظيف المنطقه الحساسه وتغير الفوطه باستمرار ..

وشعرك تغسليه عادي ..

بس أول كم يوم تتجنبين الاستحمام خاصه اذا الجو بارد ..

(( منقول ))

[أم عــلـــي]

مشكوووووووووره اختي ,,

بس انا سمعت ان اذا تسبحت لازم .. اسكر رجولي .. عشان ما يدخل هوا ..

والله ما ادري اذا صج والا لا ..؟!

ممكن وحده تفيدني بالكلام هذا ..

[أسيرة الغربة]

راح ارد عليك بحسب كلام جداتنا ... الوحده ماتكثر استحمام يعني مرة بالاسبوع استحمام كامل وممكن تغسلين مناطق التعرق كل يوم وبعدها تنشفينها ...
الشيء الثاني إذا بغيتي تستحمين ضعي قطن في اذانك لأنهم يقولون يدخل الهواء عن طريق الاذان وبعد ماتجففين جسمك لفي راسك عن الهواء .
واحرصي على تجفيف جسمك بعد الحمام وتدفئته ...ومثل ماقلتي دائما سكري رجولك ... ودعواتي لك بالتوفيق

[أم عــلـــي]

مشكوووووووووووووووووره اسيرة الغربه ما قصرتي ,,

جزاج الله الف خير ..

والله ماكو احلا من كلام الجدات ..

يسلموووووووووووووو