شعار₪وصفة متميزة₪ طريقة صنع " السجق " فى البيت ... هديتى لكم حبيباتى
السلام عليكم ورحمة الله وبركاته
هذه أولى مشاركاتى فى أحلى منتدى وعند أمهر طاهيات
واليكم تجربتى المتواضعة فى عمل " السجق " أو " المقانق "
المقادير :
1 كجم لحم مفروم ناعم مع قطعة ليّة خروف
رأس ثوم كبيرة مفرومة ناعم
ملح حسب الرغبة
2 م ص " ذر ورد " أو " سماق "
2 م ص " كبيبة صينى " ولا أعرف لها اسم آخر
2 م ك ثوم بودرة - ان وجد
2 م ك مستردة - أنا أحيانا أضع خردل مطحون + خل
3 م ك بابريكة أو شطة حلوة
2 م ص شطة حامية حسب الطلب
4 م ك فول الصويا مطحون - لأنه يمتص الدهون ويعطى نكهة
4 م ك كسبرة مطحونة
2 م ص فلفل أسود
3 م ص بهارات
1/2 كجم طماطم مقطعة مكعبات
الطريقة :
اخلطى المقادير كلها مع بعض ما عدا الطماطم باليد والأفضل تلبسى
القفاز لأن الخلطة بتحرق اليد شوية ( ما بالكم بقى الطعم )
ضعى اللحم المبهر بعد خلطه جيدا فى " طاسة كبيرة " أو أى وعاء يكون كبير لكن بدون غطاء وضعى الوعاء على نار هادئة جدا من غير أى اضافات يعنى لا زيت ولا سمن ، وقلبى اللحم كل شوية حتى لا تكوّن كتل يصعب تفتيتها ، والأفضل تستعملى ملعقة خشب .
اتركى اللحم حتى تنزل ميتها وكل السائل اللى فيها مع التقليب المستمر ثم ضيفى لها الطماطم بعد أن تتأكدى من تشرب اللحم لسائلها .
استمرى فى التقليب من حين لآخر حتى تتسبك الطماطم وتشرب اللحم كل السوائل .
وألف هنا وشفا
ملحوظة هامة : الكل هيسألنى عن الأمعاء أو الهانك اللى هنحشى اللحم فيه
بصراحة أنا لقيت ان دى أسهل وأسرع طريقة لعمل السجق فى البيت
وكمان نتيجتها ممتازة لأن كل اللى تذوقوها لم يصدقوا انها عمايل يدى ومن اختراعى .
أتمنى تجربوها وتدعو لى
رد مع الاستدلال
الروابط المفضلة