هل من حقى اغضب من صديقتى
السلام عليكم ورحمه الله وبركاته
ازيكم يا احلى اخوات ربنا يتقبل منا صالح اعمالنا ويجعل الدنيا لنا زياده فى كل خير ويجعل الموت لنا راحه من كل شر
والله انا فى موضوع مضايقنى تقريبا من اول اسبوع فى شهر رمضان ولكنى كنت بتغاضى وبحاول ابعده عن تفكيرى بس خلاص بجد مش قادره اتجاهله اكتر من كده
انا ليه صديقه ابتدت صداقتنا من الاعدادى واحنا دلواقتى فى الفرقه التانيه من الجامعه يعنى بقالنل حوالى خمس سنوات اصدقاء هى دخلت كليه وانا دخلت كليه تانيه خالص وده بسبب فرق فى النسبه انا الحمد لله ربنا كرمنى وكنت جيبه نسبه حلوه المهم يعنى احنا الاول مكناش بنذهب لمسجد واحد لاننا منازلنا بعيده عن بعض بس انا السنادى قولتلها تعالى صلى معانا وكده وكنت دايما بشجعها انها تيجى المسجد الى انا بروحله لانى والله بحبها وبحب وجودها معايا ومن هنا بقى ابتدت المشكله انا مقتنعه تماما ان مسأله الزواج دى نصيب من عند ربنا والى ربنا كتبلى نصيبى معاه هخده حتى لو كنت فين بس انا الى مزعلنى انى لو احد الاخوات فى المسجد مثلا عندها ولد او لها اخ على سن زواج بتيجى تتكلم معايا او تحاول انها تتعرف عليه الاقى صحبتى دى اضيقت ودخلت فى الحوار علشان تحط نفسها فى الصوره والله لما هى بتعمل كده انا مش بزعل ولا حتى بحط فى دماغى خالص بس ابتديت اضايق بقى لقيتها بتبعد عنى وبتسبنى قعده فى المسجد لوحدى وتروح تقعد مع البنات والاخوات الى عندهم اولاد الى كانوا بيكلمونى وكده وتسبنى وتتفق معاهم مثلا انها هتيجى تانى يوم فى الميعاد المحدد ولا تتكلم معايا وبقت تحسسنى انها مش عايزه خلاص صحبيتى
انا لالاسف فاهمه تفكير صديقتى ومفكره بالهى بتعمله ده ممكن هى تاخد نصيب ربنا كتبهولى او انى ممكن اخد منها نصيب ربنا كتبهولها
والله يا جماعه انا مش بفكر كده خالص بس انا ليه حق انى ازعل منها ومن طريقه تفكرها دى
وبصراحه انا مش عارفه اعمل ايه اسيبها خلاص ولا اعمل نفسى مش واخده بالى لانى مش هقدر اكلمها فى حاجه زى دى
ممكن تساعدونى وتدونى رأيكم وتقولولى اعمل ايه ؟؟؟ اسفه على الاطاله جزاكم الله خيرا
رد مع الاستدلال
كتبت بواسطة *اسكندرانية*
الروابط المفضلة