* شعار طبق متميز*ريزوتو بالفطر البرّي ...الرز بالطريقة الإيطالية..من لبنان وبالصورة
السلام على أحلى أخوات
مشتاقتلكم بعد غياب..بس والله مشاغل...ادعوا لي الله يخفف عني....
اليوم جايبتلك أكلة الرز المفضلة عند الطليان....هم بيعملوها بنكهات عديدة وكلها لذيذة بس أنا اليوم اخترتلكم نكهة الفطر البرّي...
لأن الفطر الطازج الأبيض العادي (المشروم \ عيش الغراب) ما عنده نكهة متل الفطر البري...
ريزوتو الفطر (الأرزيّة)
المقادير
فطر بري طازج وأنا اخيرت البرتوبيللو والشيتاكي
(ممكن الجاف تنقعيه بشوية ماء ساخن إلى أن يصبح طري)
بصلة صغيرة مفرومة ناعم
ثوم 2 فص مفرومين ناعم
كاسة رز الخاص للريزوتو + كاسة ماء بنفس الكاسة يلي عيّرت فيها الرز)
بقدونس مفروم ناعم
زبدة
زيت زيتون
ملح (انتبهوا الجبنة مالحة)
فلفل أسود
جبنة بارميزان ...وهذه هي صورتها عشان يلي دايماً بيسألوني
الطريقة
نضع في الطنجرة م ك زبدة مع م ك زيت زيتون ونذبّل البصلة ثم نضيف الثوم..
نضيف الفطر المقطع ونقلب..
نضيف الرز والبهارات ونقلب ثم نضيف الماء..
لما يغلوا نحرك بالشوكة باستمرار ونضيف م ك جبنة بارميزان زنستمر بالتحريك..
لما نشوف الرز شرب الماء نضيف نصف كوب جبنة بارميزان وم ك زبدة و2 م ك بقدونس مفروم ونستمر بالتحريك إلى أن تشوفي الرز شرب الماء....
ملاحظة: الرز بالريزوتو بيكون شكله مخبوص بس هذا مو الرز يلي بنخبص بل الجبنة تعطي هذا المنظر...أما الرز فعلى العكس، لذته أنه بيكون شوي بيعلك ...أنا شخصياً بعشق الريزوتو...
نتركها ترتاح 2 دقيقة ثم نصب بالصحون ونأكل فوراً
ما شاء الله ولا قوة إلا بالله
لو تعرفوا ريحة المطبخ كيف عبقت بالفطر...والريحة نادت الجيران من الجهة التانية
وهذا الصحن لأحلى صبايا
ولا تنسوني من دعواتكم حبيباتي..ربي ييسر أمري ويقويني..
رد مع الاستدلال
الروابط المفضلة