بلح الشام على طريقتى

[سلمى حبيبتى]

ازيكم يا احلى صحبه جميله

لا انكر انى اتعلمت منكم الكثير والكثير ولسه بعلم

اليوم هقدم لكم وصفتى فى بلح الشام احنا فى مصر بنسميها صوابع زينب

المهم نيجى للمقادير

2 كوب دقيق
2كوب ماء
1 كوب زبده الا ملعقه واحده
2 ملعقه نشاء
4 بيضات
ملعقه فانيلا او ماء ورد
الطريق

نضع الماء والزبده على النار ليسخن شويه بس مش تغلى
ننخل الدقيق مع النشا
ثم نضع الدقيق على الماء وهو على النار بس اهدى النار واقلب بسرعه بالمضرب السلك لحد ما الدقيق تحسى انه شرب الماء وتجانس
اطفى النار واسيب العجينه تبرد
اجيب البيض والفانيلا واضربهم مع بعض لحد ما البيض يفتح لونه
ثم اضع البيض على العجينه اللى بردت واقلب كويس اووووووى

لحد ما تبطل تلزق بايدك

وابدا اشكله اصابع بالكيس الحلوانى وفى الزيت على طول

لجعله مقرمش من بره وطرى من جوه خلى الزيت هادى مش سخن وبعدين ابدا احط الصوابع ومش تكترى فيها وبعد ما تخلصى على النار
ومش تقلبى لحد ما يبدا يتتضاعف
اول مالونه يصفر اطلعه واصفيه من الزيت وعلى الشيره على طول

وبس وتاكلوه بالف هنا وشفا

معلش يا جماعه انا قررت اصور الطبق النهائى علشان كده مصورتش الخطوات يارب تكون الطريقه واضحه

ودى صوره الطبق [/IMG]
ودى كمان صوره للطبق

[amal250]

للطبق

اول طبق من نصيبى انا الحمد الله

تسلم الايادى والافكاررررررررررر الجميلة

[ام دودي الصغير]

شكرااااااااااااااا

[nor_lolo]

تسلم ايديك

[* ام اشرف *]

شكلو لذييييييييييييييذ

تسلم ايديك حبيبتي

[بنت سليمان]

ما شاء الله شكله يفتح النفس تسلم يدك حبيبتي وتبدعين دائما

[●•°BaSmA°•●]

تسلم دياتك

[سلمى حبيبتى]

شكرا احبائى علة تشريفكم صفحتى و
اتمنى الوصفه تنال اعجابكم

[alfarhaa]

ماشاء الله عليكى حبيبتى تسلم ايديك

[سلمى حبيبتى]

ماشاء الله عليكى حبيبتى تسلم ايديك

الله يسلمك حبيبتى
وشرفنى مرورك العطر صفحتى