....>>انــــا أحـــــــب بيتــــــــــي<<..شاركينا بصوره من منزلك

**still_here** · 11-02-2009, 02:06 PM

كيفكم يا أحلي عضوات....
.....انهارده عندي فكره كنت حابه نتشارك فيها من زمان

....مين فينا مبتحبش بيتها

ركن فيه..زاويه معينه..قطعه أثاث...أو حتي لون حيطه..

مش لازم يكون البيت فخم أو حديث أو مليان بقطع الديكور...بس لازم تكوني حابه الركن ده

..

..شاركينا بصوره لركنك المفضل أو قطعتك المفضله في منزلك

...وأكتبيلنا عنها أزاي أثثتيها..أو منين أشتريتيها..وليه أختارتيها...وأيه السبب فأنها مفضله عندك عن باقي أركان بيتك

....شاركينا حتي نتبادل الخبرات والأذواق ونتشارك في حب بيوتنا....

**سلااام** · 11-02-2009, 02:29 PM

فكره حلوه وعجبتنى ... بس انا مش فى بيتى الان ... امامى شهرين تقريبا لاعود اليه ... انتظر ان ارى مشاركات الاخوات ... شكرا على الفكره

**hiver** · 11-02-2009, 07:44 PM

حلوه الفكره
انا احب صالة الاستقبال في بيتنا

****مونى*** · 11-02-2009, 08:58 PM

الفكرة حلوة
بس انا فى الغربة
بس انا كمان مش فى بيتى
بس هحاول ان شاء اللة انى اصور الركن المفضل لى واتكلم عنة

**ymk200380** · 11-02-2009, 09:43 PM

الأنتريه ده فى بيت مامتى علشان أنا لسة متجوزتش

والركن ده هو المفضل لديا وليا معاه قصة

قصته إنى فى يوم قلتلهم فى البيت عايزين نغير الأنتريه وفضلت أدور شهرين على حاجة عاجبانى،
وشفت كل الموديلات لغاية لما لقيت ده بالصدفة وكأن بيننا موعد ولقاء ،
أول ما شفته أخدته فى إيدى من المحل وأنا ماشية.
وبعدين رحت إشترتله السجادة دى علشان ميحسش بغربة
وكمان غيرتله لون الحائط علشان يبقى مبسوط
وكل يوم أجلس فيه وأشغلله التليفزيون علشان يبقى بننا عشرة وحب
وليا قصص ومواقف كتير معاه
ربنا يخليهولى
ويمكن لما أتجوز أخده معايا ههههههههههه
وإلى اللقاء مع القطعة القادمة

كان معكم ياسمين من مصر

**still_here** · 12-02-2009, 02:01 AM

أولا بشكركو علي ردودكم بس ايه المشكله يا جماعه فبيوت المغتربين ..مفيهاش حته بتحبيها خالص....ياستي أدينا أي ركن وعرفينا انك مغتربه..المهم شاركينا...

ymk200380 أيوه كده أول المشاركات معانا نورتي الصفحه ..الانتريه لذيذ جدا والسجاده جامده...والأحلي الكومنت علي الصوره تمام جدا....

يلا يا جماعه شجعوني علشان أشارك انا كمان بقي

**still_here** · 12-02-2009, 01:20 PM

دي صوره من الصالون في بيتي ....ده انتريه كلاسيك لاكيه مطعم بالدهب اللون أختاره جوزي...الانتريه ده انا بحبه جدا وبحس الركن ده من أهدي الاركان في بيتي...الأنتريه ده بقي يوم ما شفته عند خطيبي(قبل ما نتجوز بقي) عجبني جدا وأخترنا منه قطعه تكون عندنا فالبيت...الأباجوره كانت هديه مني لجوزي وأحنا مخطوبين يوم ما شفتها اتجننت عليها بس كانت كبيره وسعرها غالي(كنت لسه باخد مصروفي بقي)لكن لقيت منها الصغيره رحت شارياها علطول...السجاد والستاير أخترناه سوا...طبعا هو مفيش براقع غير نزلات لأن الديكور فالسقف مينفعش فيه براقع فأكتفينا بنزلات باللون النبيتي لأن الحيطه بيج فنبيتي...في بقي غلطه انا مدارياها بالمفرش وهو ان رخام الترابيزه لونه أسود ...غلطه من غلطات زحمه الفرح..لكن هغيرها فأقرب وقت لأن شكلها مش مناسب خالص....

**nhnh** · 12-02-2009, 10:56 PM

اهلا بكم غالياتى
ماشاء الله موضوع رائع
ويستحق التثبيت
بارك الله لكم فى منازلكم ورزقكم خير منها فى جنات العلى

**روفا الأمورة** · 13-02-2009, 12:16 AM

فكرة حلوة

**still_here** · 13-02-2009, 02:04 AM

كتبت بواسطة nhnh

اهلا بكم غالياتى
ماشاء الله موضوع رائع
ويستحق التثبيت
بارك الله لكم فى منازلكم ورزقكم خير منها فى جنات العلى

مشرفتنا الغاليه لك كل الشكر علي التثبيت....وعلي كلامك المشجع ..ويارب البنات يتفاعلوا..لأن بييجوا ويمشوا علطول مش عارفه ليه..مش يستنوا ياخدوا واجب الضيافه احنا مش بخلا يا جماعه والله مع اني دمياطيه

...

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ....>>انــــا أحـــــــب بيتــــــــــي<<..شاركينا بصوره من منزلك

أدوات الموضوع

العرض