"عروسات المستقبل تعالوا اقولكم".. جزء ( 5 )

[dodo412]

انجل::: بصى ياقمر بالنسبة للرؤوس السودا
بنت خالتى بتشترى من الصيدلية شرايط برضو اسمها nose on
بس مش بالسعر اللى قوليته دا الواحدة ب 10 جنيه وكمان مدتها طويلة
مش بترجع الرؤوس تانى غير بعد 3 شهور ومش بزيادة ولا حاجة
بجد شوفتها بعينى انا ماعنديش الحمد لله بس بنت خالتى بتشتريها دايما
من صيدلية الطرشوبى فى المنصورة يارب اكون قدرت افيدك

[ملوكة 12]

أزيكم يا بنات
وأحلى سلاام لأحلى هنوودة فى الدنيا....مش عايزة أقولك انا شكلى وجهى بقى عامل
ازاى طبعا العلاج اللى انا بستخدمه عالج منطقة الجبهة والخدود من الحبوب اللى كانت فيها
والدكتور قال ممنوع اى علاج يلمس منطقة العين والفم لحد ما أروحله تانى وبالتالى
انا بقيت حته وحته بس هانت واول حاجة هعملها ارجع استخدم قيتامين Eتانى

سؤال بقى يا هنوودة بخصوص التمارين انا فى البداية كانت تمارين البطن بتعملى الم
دلوقتى لأ تفتكرى مثلا انا بقيت اعمل حاجة غلط ولا يمكن عشان انا اتعودت على التمارين
دى وحاجة تانية انا مثلا كانت عايزة أظبط منطقة البطن بس اعمل تمارين البطن بس ولا بقيه التمارين ضرورية للجسم واسفة طولت عليكى

[سماح عزت]

ازيك يا نودى عامله ايه حبيت بس اسلم عليكى لان لو مش سلمت عليكى كل يوم بحس ان فى حاجة جامدة نقصانى ربنا ميحرمناش منك يا قمر

[lonleygirl]

هنوده فينك مفتقدينك كل ده مشوار ترجعى بالسلامه ياقمر

[هنودة هنانيدو]

ازيكم ياقمرات عاملين ايه ؟؟؟

ده وصفة من خبيرة تجميل حبيت اقولكم عليها وحاسة انها كويسة
لان مكوناتها فعلا حلوة ان شاء الله حاجربها ويبقى زى ماسك تنظيف
حتى لو مرة كل اسبوع او وقت يكون وجه متعب او وقت مناسبة

قناع رائع للتخلص من البثور السوداء

ماسك الفاصوليا:

القناع ده بالإضافة إلى إنه بيعالج النمش فهو كمان بينضف البشرة تماما من البثور والرءوس السوداء

ويضفي على ملمسه النعومه المتناهية ويزيل المواد الدهنية
وأهم حاجة إنه بيساعد على الشفاء من الكلف والنمش.
والقناع ده لازم تستخدميه مرتين أسبوعيا علشان تلاقي النتيجة اللي إنت عاوزاها.

الطريقة:

اخلطي بياض بيضة واحدة مع ملء معلقتين من العسل الأبيض جيدا
وبعدين ضيفي لهم ملء معلقة من عصير الليمون
وملء معلقة من مسحوق فاصوليا بيضاء أو مسحوق حمص
واطلي وجهك به مع التدليك الخفيف
وسيبيه من 1/2 ساعة لساعة كاملة على وشك –
حسب ما تستحملي يعني-
وبعدين اغسلي وشك بمية فاترة وبعدين بمية ساقعة

[pink_heart]

هنودة ازيك ياقمر
كنت عايزة اسالك عن بانتوجار انا سمعت انه بيزود شعر الجسم هو بيعمل كده فعلا؟؟

[the 1st queen]

هنوده ازيك ميرسى على ردك ياقمر ربنا يخليكى لينا كنت عاوزه اسئلك عن اتيليهات تاجير فساتين زفاف ف اليكس تكون شيك لو تعرفى اسماء ممكن تفيدينى او اى حد من البنات ممكن يفيدنى ضرورى

[هنودة هنانيدو]

بنات معلش انا عايزة منكم طلب عارفة انه مش مناسب هنا
انا عايزة اعرف لو حد منكم من القاهرة يكون عارف اسعار الشقق هناك
لانى من الاسكتدرية ومحتاجة اعرف اسعار الشقق فى القاهرة ياريت لو حد يعرف يبعتلى بعذ اذنكم على الخاص
واسفة تانى اذا كان موضوع ده مش مكانه مناسب

[Noura89]

ازيك يا هنوده بجد وحشتينى فى اليومين اللى فاتوا دول
للاسف يا قمر انا مش من القاهرة ومعرفش الاسعار بس ححاول اسالك قرايبى هناك
بصى يا قمر بالنسبه اوشى اعتقد انه دهنى هل اقنعة اللبن او الزبادى تنفعه؟؟
انا حجرب كبسولات فيتامين E بس ينفع استخدمها لوحدها على وشى ولا لازم احطها على كريم او اى ماسك تانى
سؤال تانى عشان معكش الدنيا انتى قصدك بالبيتادين المطهر اللى بنجيبه من الصيدليه؟؟

[هنودة هنانيدو]

هنوده ازيك يا جميله بخصوص الحمام المغربى اتلخلطه مش للوجه ولا لا اصل واحده قبل كدا قالت الوصفه فى المنتدى وقالت الوجه كمانز بشرتى مختلطه وحساسه شويا ممكن تقوليلى منظف وتونك ومرطب مناسبين اشتريهم ومرسى يا قمر

ازيك ياقمراية الحمام مغربى مش بيتعمل للوجه ده للجسم فقط

فيه مجموعة اوبتامالس من اوريفليم للبشرة مختلطة الغسول وتونك وكريم للنهار والليل

او من نيفيا بس كريم الليل من نيفيا مش عجبنى بس الغسول والتونيك حلوين

وكمان من اولاى غسول وتونك وكريم الليل والنهار حلوين للبشرة مختلطة