البازنجان المدحرج والمخلل والمملح واخر سلطنه مشاركتى لالاء مقبلاتى اليوم

[برنسس لك1]

نواعمى البازنجان اشتكى منى انهارده
ويتهمنى انى بهدلته اخر بهدله

لانى عملته ب3 اشكال
ولكل شكل طعم خاص جدا

النوع الاول البازنجان المدحرج

وهو انى اقليت وعملت حشوته

2 فص توم مدقوق
نصف طماطمايه مفرومه
5 فلفل شطه مفرومين
ملح فلفل كمون
عصير ليمون كتير
وقليل من الخل
وقليل من الماء

وخلط كله على بعضه وفتحت البازنجانه من النص ونزلتها ببطنها جوه الخلطه علشان تتشرب منها وبطلعها وجواها قليل من الخلطه ويؤكل حالا

النوع التانى وهو البازنجان المسلوق

وحشوته

5 فص توم مدقوق
2 فلفل شطه مفرومين

ملح فلفل كمون
عصير ليمون كتير
وقليل من الخل
وقليل من الماء

وبعمل فيه نفس الطريقه الاولى ويؤكل حالا

النوع التالت
بازنجان مخلل بالتفته

ومكوناته

بازنجان مسلوق يادوب يستوى
اصفيه علطول لان الملح والتفته بيزيد من سواه
ماء وملح
وصاحب النكهه الخاصه جدا 3 فص توم مدقوق او شرائح
وصاحب الحضور المتميز نص م ص ((التفته))
وهى ماده بتسوى البازنجان وتديله لون من عند العطار

الطريقه

بحدق المايه واحط التوم والتفته وافتح البازنجان من النص واحطه معاهم فى البرطمان
ويؤكل بعد 3 ايام
وبالهنا والعافيه

[كوكي2005]

تسلم ايديكي
حرام عليكي الحاجات اللي تفتح النفس دي وقت الصيام

بس ايه هي (التفته) أول مره اسمع عنها

[noorelhoda]

تسلمى يا برنسيس بس انا طول عمرى اعرف ان التفته نوع من انواع القماش
ياريت توريهالنا وتقوليلنا جبتيها منين يا اروبه انتى

[برنسس لك1]

تسلميلى يا قطه
انا رديت عليكى فى الموضوع نفسه ارجع واقرى الموضوع يا جميل

تسلم ايديكي
حرام عليكي الحاجات اللي تفتح النفس دي وقت الصيام

بس ايه هي (التفته) أول مره اسمع عنها

[برنسس لك1]

تسلمى يا برنسيس بس انا طول عمرى اعرف ان التفته نوع من انواع القماش
ياريت توريهالنا وتقوليلنا جبتيها منين يا اروبه انتى

بطوطه هى البودره الحمرا الموجوده فى الصوره

[حنان(البحرين)]

[soso22]

[زاهية 2]

الله يسلم ايديكي اختي العزيزة
روعه شكله بيشهي

[أم شادى]

رووووووووووووووعه روووووووووووووووعه يا برنسيسه
تسلمى حبيبتى و تسلم الايادى الجميله يا رب
كل صنف اجمل و اشهى من الاخر
بالف هنا و شفا يا رب

[noorelhoda]

يا برنسيس يعنى هى صبغه ولا توابل ولا ايه ونجيبها منين