✿* حلى متميز*✿الفرينش توست ولا اله خص بفرنسا......عنجد مسكين
الفرينش توست
خبز البيض
هو فطور امريكا شيكا بيكا واوروبا وحلويات الكريسماس في البرتغال والبرازيل
مصنوع من خبز وبيض وحليب وشوية سكر بنضاف عليه بالاخر
وبتزين بشوية عسل وممكن شوية فواكه مقطعة او زبدة
والغريب بالموضوع انه الفرنش توست ما اله خص اسمه بفرنسا يعني كيف وليش رابطين اسمه بفرنسا
WE DONT KNOW
وهلاء خلينا نفوت على المطبخ ونحضر ها الفطور الخفيف اللطيف
اول شي بدنا خبز وحليب وبيض وانا بحب اضيف شوية برش برتقال ورشة سكر وقرفة
نضيف ها المكونات لصحن عريض عشان يسهل علينا انه نحط في التوستات بعدين
القرفة ورشة السكر وبرش البرتقال
نخلطهم منيح ليتجانسو
نضيف التوستات هلاء وتعرفو كل ما كان التوست ناشف احسن عشان بتشرب خليط الحليب والبيض اكتر
نضيف التوستات الهم
ونقلبهم على الوجه التاني
ونتركهم لحتى ما يضل بالصينية ولا فتفوتة حليب
نحمي مقلى التيفال ونضيفله شوية زبدة ونبلش نضيف التوستات
وبعدين نقلبهم للوجه التاني وهكذا لحتى بستو منيح من جوا وباحمرو من برا
ويتقدمو سخنين مع شوية عسل او دبس او شوكلت سائل او اي اشي سائل بتحبي اور شة سكر ناعم
وطبها كاسة النسكافية لا يعلى علهيا بهيك جو
وصدقوني سواء فطور ولا عشا ولا حتى هيك بوقت كنتي جوعانة فيه مافي ازكى من هيك اكله
مممممممممممممم بجد اشي فاخر من الآخر
وطبعا طريقة منيحة لنضحك على اولادنا عشان ياكلو البيض وفواكه
ولكم تحياتي واحتراماتي
الماسة
ام سهام واسيل
رد مع الاستدلال
المحبــه 
كتبت بواسطة رندوش
الروابط المفضلة