قرارك بانجاب أول طفل .. تجاربكم وارائكم ؟؟

[Rimaa]

انا حابة نتناقش بهيدا الموضوع خاصة ان الاغلبية هون امهات ...

يعني برأيكن ان انجاب اول طفل بعد الزواج هو شي ما بيصير تأجيله لفترة طويلة ؟

ولا برأيك ان قبل الاقدام على هيك خطوة لازم الطرفين ينتظرو عالاقل ان يمضو مع بعض فترة يكونو عرفو فيها بعض منيح وان التسرع بهالموضوع ممكن يجيب لا سمح الله الندم .... ؟

انا حابة تحكولنا عن تجاربكن مع اول حمل ... يعني انت تركت هالموضوع للقدر ولا فكرت فيه وخططتيله ...؟


واخر سؤال .. يعني هالموضوع بيخص الطرفين وممكن ما يكون التنين عندهن نفس الرغبة ... يعني احيانا الرجل بكون مستعجل اكتر من المرأة ... واحيانا العكس ... شو رأيك بهالنقطة لو تعارضت رغبات الطرفين وكيف بتتصرفي لو انحطيت بهالخيار ... ؟


يا ريت تحكولنا عن تجاربكن وخبراتكن واكيد كتيرات راح يستفيدو من هالموضوع ..

وسلامي للكل

[* شهدوده *]

وعليكم السلام ورحمة اله وبركاته
موضوعكي أختي مفيد للبعض خاصة الذين في بداية الزواج أو لسه ماتزوجو
أنا شخصيا أرى أن الطفل الأول لا يكون فيه نقاش كثير يأتي وحده أي برغبة الطرفين تزوجنا لنلد وفئة قليلة يكون لهم رأي مخالف إذا كان للزوجين مشروع ما إما الدراسة أو بناء بيت أو سفرية لعمل ما ...إلخ تبقى الأسباب كثيرة
طفلي الأول جاء من الشهر الأول من الزواج يعني بقيت عند زوجي 10 أشهر ولدت حسابا سبحان الله والثاني بالغلط يعني بين الول والثاني عامين فقط والثالث برغبة الطرفين بينه وبين الثاني 4 سنين
والحمد لله نصيحتي للأمهات لا تجعلن تأخير في المولود الأول لأنه سبب البركة ومحرك البيت ودهن الحيات عندما تجف
جزاكي الله خيرا

[Rimaa]

شكرا الك اختي على ردك ...

بس ماشالله من اول شهر ... يعني الحمل والولادة مسؤولية وبداية الزواج اصلا هي مرحلة تغييرات جذرية بحياة البنت من عاداتها وبيئتها واهلها بتنتقل لحياة جديدة وممكن تواجه صعوبات بالبداية ... فاذا اضافت على هالشي حمل ومسؤولية طفل ما بكون صعب .. ؟

تحياتي الك والله يحميلك اولادك يا رب ....

[ام سما - العراق]

السلام عليكم

اختي انا رايي انه الطفل الاول يأتي برغبة الطرفين وبدون تخطيط يعني هو رزق من ربنا يأتي بالوقت اللي يبعثه النا ومن رايي انهى مافي داعي لتأخير الحمل دام انه مافي سبب يمنعه كالدراسة او السفر او غيرها بالعكس الحياة تتغير كثير بولادة الطفل الاول يعني تحسي باحساس الامومه وايضا بالنسبة للمسؤوليات راح تكون صعبه بالبداية بس بعدها تهون وتصير بسيطه
هذه هي الحياة كيف ربونا اهلنا وتعبو علينا الان دورنا لنربي ونتعب على اولادنا

وبالنسبه للطفل الثاني والثالث و.... ممكن تتفقو بعدين على حسب حالتكم الماديه والاسباب الاخرى وبرغبتكم توقتوا الحمل بالوقت اللي يناسبكم طبعا بعد رحمة ربنا ورغبته بانه يرزقكم


يارب رايي يكون ذو فائده

تقبلي مروري

[صاحبة البيت]

غاليتي
أعتقد بأن الطفل الأول يأتي بدافع الحب والرغبة بين الطرفين
فلا احد يستطيع أن ينتظر في أول الزواج حتى نتعرف على شريك الحياة هل سيتقبله ام لا
أعتقد بأن هذا المنطق ليس عندنا نحن الشرقيين
فهذه الحسابات لدى الغربيين بالأكثر
فالطفل الأول يكون الجميع متلهف عليه
وبعدها نقول ولا هنكررها ...ونكررررررررررررررررها
ولكن اللي عليه خلاف هو الطفل الثالث لذلك
فهو يأتي متأخراً نوعاً ما
ليس في الترتيب ولكن في الوقت
فنجد أنه قد يأتي وهناك فارق زمني يصل في بعض الأحيان
إلى عشرة أعوام
شكراً غاليتي
تقبلي مروري

[* شهدوده *]

والله اتلخبطت حياتي خالص ححكيلك بعدين أنا الأن عندي شغل

[~~زهرة المدائن~~]

اختي بعد الزواج خلاص ما عاد وقت التعارف والتعود!!!
هم تزوجوا واستعدوا لفتح البيت والمسؤلية واستعدوا لقدوم ولي العهد
الا اذا كان هناك داعي للتاجيل كالدراسة او سفر,,,,
انا شخصيا تزوجت 16 سنة وعلى 17 كنت ام!!!!صحيح صعبة لاني كنت صغيرة
لكن الحمد لله على هذة النعمة

[Rimaa]

مشكورات جميعا على ردوركن .. وانا شايفة ان الكل من نفس الرأي ان اول طفل بعد الزواج مباشرة بدون تأجيل الا بمشيئة رب العالمين ...

هو انا ما قصدت ان التاجيل يكون لحتى الطرفين يتعرفو ويتعودو ... اصلا الوحدة عنا من لما بتنخطب وبتتزوج بكون قرارها نهائي ان هيدا الشخص اللي راح تكفي معه عمرها ... وما بعتقد في بنت بتتزوج غير من هالمنطلق ...

بس انا عم احكي من ناحية المسؤوليات ... من ناحية حياتك الجديدة وتفهمك لزوجك ... وخاصة للبنات اللي بتتزوج شخص ما بتعرفه ... والله انا عندي صديقة مطلقة عن شهرين زواج وعندها بنت ...

بنفس الوقت انا بشوف ان ماشالله كلكن امهات شجاعات وتحملتو مسئولية طفل على بكير ... ومن بداية الزواج ... (من عمر 16 سنة مثلا...)

يمكن لأن نحنا مناخد هيك مواضيع بالفطرة ... خلص الوحدة بتتزوج بتشوف حالا حامل ,,, يمكن لو تفكر بالموضوع بتخاف شوي من المسؤوليات ومن ان اول طفل يأثر على علاقتا بزوجا ويخليها ممكن تقصر من ناحيته او ما بعرف ....


انا حتى ما حدا يفهمني غلط ... يعني بندرج تحت كل الحالات اللي ذكرتوها يعني سفر ودراسة انا وزوجي وكل واحد بمدينة ... كنت حابة اسمع تجاربكن ... بلكي شي وحدة مرت بظروف مشابهة ... وكلامكن بكل الاحوال مشجع كتير ...

سلامي للكل

[ندى بنتى]

لا انا مع رأى ان الطفل الاول بدون تخطيط يمكن مسؤلية وخصوصا ان البيت لسه مفتوح ولسه الميزانية بتكون متلخبطة بس رزقنا ع رب العالمين الا اذا كانو ظروفهم الماديةصعبة جدا افضل تتأجل شويه
موضوع هايل