السلام عليكم ورحمة الله
بصراحة لاحظت امهات كثير بيعاني اولادهم من الرشح ودور البرد كل شوي
سواءا من البرد او من العدوى
وطبعا بيفضل الطفل كده لغاية لما ترتفع حرارته
وينسد نفسه
وبتوديه للدكتور وهاتك على ادوية رشح ومضادات حيوية
اولا من دكتور خبير واخصائي اطفال يقول لا يوجد دواء للرشح قبل السنتين
يبقى انتي بتدي ايه لطفلك لي لسة معداش سنتين
طبعا في دولنا العربية بيدوه ادوية الرشح حتى لو عمره سنة وده غلط
اما بالنسبة للمضادات الحيوية فالكل عارف انها اذا تعدت نسبة معينة تعمل فشل كلوي انا مش بخضك
لكن دي الحقيقة الفشل الكلوي الحاصل في دولنا الكثير سببه 60 الى 70 في المية الى المضادات الحيوية المستعملة بكثرة و كمان بطريقة غير صحيحة
بالنسبة لتجربتي مع الرشح
طبعا الكل عارف برد امريكا وعندنا ثلج مدة 5 شهور وطبعا برد بينزل الى -20 في ليالي قاسية
ومرات بتلاقي كل الناس مريضة وانفلووانزا ورشح وكحة
والحمد لله الوقاية خير من العلاج طبعا
وكل ام بتحاول ان اطفالها ما ياخذوش برد
مش حوصيكم على اللبس
وبنسبة ليا بلبس ابني كويس جدا جدا لاني مش بحب يمرض عشان مرضه متعب جدا ومش بينااام خالص لا نهار ولا ليل
ثاني حاجة لي هي بيخاذ برد من العدوى او ممكن لو فتحت الباب وهو جنبي بلبس البيت فبياخذ برد
اول اعراض البرد هي لي لازم اعرفها
هل ابني اخذ برد مع الحرص الشديد والتفاصيل الدقيقة
مثلا اخر مرة من شهرين تقريبا جت عندي بنت جارتي صغيرة عندها 3 سنوات
وكل شوية بتقولي طاتي انا مريضة بالبرد وماما ودتني الطبيب
طبعا انتو عارفين كلام الاطفال
فانا اخذت احتياطي
في الاول ما كنتش اعرف انها مريضة فكنت باكلها هي وابني بايدي يعيني اديها لقمة بايدي وادي ابني لقمة وطبعا ايدي بتلمس بقها وبعدين بق ابني فاحتمال كبير للعدوى
وكمان كانت تلعب معاه في العابه وبتبوسو
فاول ما راحت بشوية لاحظت ابني بدأ يعطس
دي طبعا اول اعراض البرد زي ما قال رسول الله صلى الله عليه وسلم ان العاطس نشمته 3 و في 4 هو مزكوم فنقوله الله يشفيك
فلو ابنك عطس 4 مرات ورا بعض معناته مزكوم وبعد يومين او 3 ترتفع الحرارة
كمان ممكن تشوفي بعض السيلان في الانف من اول يوم
ايضا ممكن تقل شهيته اول يوم
انا بعمل ايه هنا تجربتي
من اول اعراض البسيطة دي
اجيب زيت زيتون
ثوم الي ابنها عنده حساسية من الثوم
تستخذم زيت زيتون دافئ لوحده وبيعمل نفس النتيجة
ابشر فص ثوم في زيت زيتون وادفيها شوي
ادهن صدره وظهره وعنقه وراسه معلش استحملي الريحة افضل ما تستحملي الحرارة والسهر
اجيب فوطة صغيرة
احاول ادفيها من بعيد تاخذ حرارة البوتاجاز
واحطها على صدره وبعدين البسه كويس جدا
واشربه ملعقة كبيرة زيت زيتون لوحده طبعا مش لي مع ثوم ومرات مش بيحب بشربها له بالسرنجة زي الدوا غصب عنه
واحط شوي زيت زيتون وحده تحت انفه زي كاني باذهن انفه بيها
ولو مرض ابقي قابليني
باذن الله عز وجل وكانه مش اخذ اي برد ولا بيوصل انه ياخذ
لان الرسول صلى الله عليه وسلم قال على زيت الزيتون كلو وادهنوا
يا رب تفيدكم تجربتي
لاني الحمد لله ما بوصل مع ابني للرشح لاني بنسفه من اوله
وما تنسو تقولوا
اللهم احفظ ياسر من كل سوء وبارك فيه واجعله من الصالحين وجميع ابناء المسلمين
الروابط المفضلة