ساعدوا هالانسانه "" جوزها شكاك جدا "" شو الحل؟؟؟؟؟؟؟؟؟؟

[Free Palestine]

السلام عليكم ورحمة الله وبركاته

حفوت بالموضوع على طول اليوم كنت مع صاحبتي ولاول مرة تنفجر مرة وحدة وتحكي الي بقلبها عن جوزها .دايما بتبين السعادة وانها مبسوطة معه كتير
بس انصدمت بالعكس ...
جوزها من النوع الشكاك بشكل لا يطاق !!!
والموقف صار قدامي .. كانت بتتصل على السوبر ماركت تطلب أغراض وبنفس الوقت اتصل جوزها سكرت بوجه بالغلط رجع حكاها وعملها مشكلة ليش بتسكري بوجي الخط ومع مين كنتي تحكي وما صدق انها بتحكي مع الدكانة
هاد اشي صار امامي ...
فانفجرت وحكتلي الي بقلبها لدرجة في يوم من الايام اجى ساعي بريد بعته جوزي على رقم شقتها عشان استلم البريد وانا فتحت واستلمت
بس اجى جوزها ابنها صغير حكالوا اجى عمو وعمل تحقيق مع ابنه
وعملها مشكلة وصار يفتش البيت قرنة قرنه ..وحلف يمين طلاق عليها انه انا ما ادخل بيتها !!!!!!!!!!!

هي تعبت كتير الها اربع سنين بتسايره وبتتحمل شكه حتى صارت تقلي صرت انا مريضة لدرجة انه صرت اشك بحالي !!

شو الحل يا جماعة الخير ؟؟؟؟؟؟؟
كيف ممكن تتعامل مع جوزها الشكاك؟؟؟
وطبعا ما حد برضى بحل الطلاق لانه مش حل وفي بينهم ولدين وهلا هي حامل !!!
شو الحل ؟؟؟؟

[نداء الأمل]

الله يكون بعونها ويفرج همها

[رجفه خفوق]

شوفي حبيبتي المشطله ها ابعاااااااااااااااد

هل هذه الزوجه كانت على علاقه معاه قبل الزواج >>>يمكن عشان كذا يشك ( يكون هو اصلا كذا وهذا الامر زاااده.

هل هذه الزوجه كانت تحكي زوجها مثلا ايام الخطبه شو كانت تعمل لما كانت مراهقه؟؟؟


هل هذه الزوجه مثيره للشك او تتعمد تشير الشك

اذا اي او لا؟؟

اهم شي تبتعد عن ايش ثغره تزيد شكه فيها في البدايه يعني ليش تقفل السماعه لما جا زوجها

تحاول لاتثير الريب والشك

والله يهدي سرهم

وشكرا

[جوري البحر]

حسبي الله على هذا النوع المريض

انا اعرف واحدة كدا والمصيبة ان عمرها 58 وهو عمره فوق الستين وبرضو يشك فيها

كل ما هددتوا تترك البيت للتخويف طبعا

يقولها روحي بس تحلمي تتطلقي

مريض نفسي يعني مثلا راح تتطلق وتروح تدور على غيرك حرمة خلالالاص كرهت صنف الرجال وكبيرة مريض نفسي

حبيبتي هادي تستخير ربها والافضل تدخل احد من عيلتها بس اول يكون هذا الشخص واعي وعاقل بدرجة كبيرة

ومثلا تختبروا بانها تذكر ان هالمشكلة لواحدة من صحباتها فانت اش رايك

ولو اعجبها الحل واستخارت ربنا وربنا خير لها انو الشخص يتدخل ويوقف الرجال عند حده تتوكل على الله

لان الشك دمااااار وربي الحرمة شريفة وغنية ومن عيلة ونسب لا ومن ال البيت

تخيلوا الشيء الي يكشش البدن انها سيدة ومن ال البيت وهو مريض يشك فيها

الله يجيرنا وينقذ صاحبتك ويفرج عليها يااااااااااااااارب

[نقآء الياسمين ~]

وعليكم السلام ورحمة الله وبركاته

غاليتي الشك يلي عند زوجك صديقتك اذا كان من النوع للي إله اسباب منطقية والتي هي أحد من التالي :

1- ياكثرة علاقاته السابقة مع البنات وخلته يفقد الثقة بزوجته او مر بتجربة مؤلمة وكان فيها شي اسمو خيانة

2- يا علاقة والديه او أحد اقربائه خلته يتربى على هالوضع للي مبنى على غاب القط العب يافار ف من أين سيأتي بالثقة بالناس وبنفسه ؟؟

3- يا اما صديقتك كان بينهم علاقة قبل الزواج أو هي كان لها علاقة وأخبرته بذلك ..

4- بيكون هو خائن وعم يفكر كل الناس متله .. لانو السارق لايؤمن على ماله والخائن لايؤمن على زوجته ..

يعني في شي بحياته اسمه عدم اخلاص و خيانة ..

وبصراحة الغيرة شي والشك شي ثاني

يعني أمران متناقضان

الغيرة شعور ايجابي وأمر فطري يدل على الحب وطبعاً لما تكون بحدود

والشك شعور سلبي وطبيعة مكتسبة لأسباب منطقية وأو غير منطقية

في حال كانت اسباب منطقية مثل للي ذكرتهم سابقاً ف ممكن يكون الها حلول

اما لو كان اسباب غير منطقية فهاد بيدل على قلة الثقة بنفسه وبيكون مرض نفسي ..

باختصار خلينا نمشي بحال الشك للي عند زوج صديقتك له اسبابه ..

ف الحل معاه بيكون عند صديقتك اذا هي فعلاً مو حابة تخرب بيتها كيف ؟

1- كثرة الدعاء بأنو الله يآلف بين قلوبهم أكثر والله يهديه ويسخرلها ياه ..

2- تكون واضحة معه لأبعد الحدود وماتكذب بأي موقف أو تخاف ..

خليها تحكي بكل ثقة طالما هي صادقة وماتخبي عنه شي ..

يعني بذكائها ممكن ترجع ثقة الزوج بنفسه وترجع ثقتها عنده ..

بأنو تتحسسو بمكانته بقلبها .. وانو هو وابنهم أجمل هدية من ربنا ..

وهو مع كثرة المواقف للي عم تثبت فيها زوجته انها مخلصة له وانها بتحبه

سيمل تدريجياً .. لان الشفافية والوضوح تقضي تدرجياً على الشك

ان مامشي الحال معاه وضل متشبث بهالصفة

تحاوره بالهدوء والحكمة لانو هو محتاج مين يوقف معاه ويبين له الخطأ للي عم يرتكبه بحق زوجته وبحق نفسه .. لكن بأسلوب لطيف .. وبعيد عن العصبية والمشاحنة

والله يفرج كربها يارب .. وتنحل هالمشكلة ..

ومايوصلو لشي ينهي هالعلاقة الزوجية .. لانو كثرة الشك بتخنق ..

تقبلي مروري

تقبلي مروري ..

[SIRINA]

الله يهديه

هي تحاول تتفادى الواقف اللي تشكك زوجها فيها وتدعيلو في كل صلاة وتكثر من قراءة القران والاذكار

[مازنة 20010]

ربنا يهدية الشك دمار وبركان من نار الله يصبرها علية

[omyassineee]

انا عندي نفس المشكلة زوجي مريض بالشك لدرجة لا تتصور ادا دهبت عند اهلي واتصل بي ولم اجبه يقيم الدنيا ويقعدها لدرجة يقول ان علي ان اجيبه حتى لو كنت في الحمام ادا دخل ووجدني متزينة وانتظره يبدا بالبحث في الغرف واضحك بيني وبين نفسي يمنعني من الخروج وحدي وادا خرجنا معا لا ينزل ناظره عني ليعرف ان كنت انظر للرجال .لاكتشف في الاخير انه هو من يخونني لهدا يشك في .انا مند ان تزوجته عرفته يشك في و اعجبني دلك كنت اقول مادام يغار ويشك فهدا دليل حبه لي. الان انا تعودت عليه وكل مرة غضب فيها اتركه حتى يهدا فياتي ليعتدر مني انه طبعه ولن يتغير مهما فعلت صديقتك وحاولت عليها ان تتبث حسن نيتها له اعلم انها ستتعب من دلك ولكن هدا هو الحل وعليها ان تتجنب اي تصرف قد يجعله يشك.والله العظيم اكون على اتصال مهم مع عائلتي وادا اتصل اقطع الخط بسرعة لاجيبه ليس خوفا منه وانما تجنبا للمشاكل والشجار امام ابني.لكن ادا كنت على خلاف معه فاتركه يرن ولا اجيبه لاني اعلم ان هدا سيثير جنونه.اتمنى ان يتغير زوج صديقتك فانا 7 سنوات متزوجين ولم يتغير ..

[الأميره الرومنس]

ربي يخلصها من همهاويسعدها

[المجدmb]

الله يفرج همها و هم كل مهموم