المشكله فينا ولا فيهم ؟ حد يفهمنا لو فاهمينا حاجه

[ommammar74]

السلام عليكم ورحمه الله وبركاته

اناطبعا عايزة اخد رايكم النهارده في موضوع بصراحه مطير النوم من عيني ومصدقت نيمتي بنتي وقولت فرصه اكتب الموضوع علشان بصراحه ابتديت اتعب نفسيا

حدخل بقي في الموضوع

بعد قرائتي لاخر مشكله لاحدي الاخوات هنا في النافذه معرفتش انام غير لما اكملها وبعد لما كملتها لقيت السؤال ده محيرني اوي

هي المشكله فينا يا جماعه فينا كستات واننا شكاين كما يزعم الرجال ولا المشكله في الرجال اللي بنشوف منهم حاجات غريبه

يعني كل المشكلات او معظمها الا من رحم ربي شكوي من الزوج
معظمها
زوجي يشاهد مواقع مخله
زوجي ينظر إلي صور عاهرات
يزوجي يتحدث إلى البنات في الهاتف
زوجي يشك في
زوجي بيضربني
زوجي سئ الخلق
زوجي غير مهتمي بي كل تركيزه على اهله وفقط
زوجي غير موجود بالبيت دائما او عبوس معنا وفي منتهي السعاده مع اصحابه
زوجي لا يجلس معنا بالبيت
الخ ............


طيب نضيف على كده وغالبا قبل اي شكوي وهي ده الحاجه اللي مزوده حيرتي
غالبا مقدمه اي شكوي زوجي ملتزم مصلي ومحافظ على الصلوات دائما الصلاه في المسجد وفعل كذا وكذا وكذا

ودائما ايضا نجد الزوجه تقول انها في الغالب غير مقصره وتحب زوجها حب شديدا وهو يبادلها نفس الحب ولكن يفعل كذا وكذا

ليه يا بنات نفسي افهم حد يكون دارس علم نفس يفهني ولا قارئ حتي علم نفس يقولي

ليه دائما نجد الصدمه من ازواجنا تقسم الظهور من خيانه لزواج لغيره لغيره
وليه دائما الزوجه بتكون حريصه اكتر من الزوج على البيت والاسره والاولاد ليه مش بنشوف الزوج قبل ما يقع في الغلط يكون فكر مليون مره في بيته وزوجته واولاده
وليه احنا دائما قبل ما نفكر بس في خطوه الطلاق نحط اولويات كتير اوي قبل نفسنا

والله العظيم نفسي افهم ليه كل ده ولحد امتي كل اللي حولنا بيشتكي من مشكله في الزوج او العكس بس بجد العكس قليل اه الستات مش ملائكه بس دائما خايفين على بيوتهم من ان تهدم وليه الرجل القوام اللي المفروض الدين اد له القوامه على الست مش بيفكر في البيت والولاد والقوامه ربنا اعطها للرجل علشان هو العاقل الذي لا تحكمه مشاعره ويفكر غالبا بعقله اين يذهب هذا العقل عندما يحدث من الرجال العقلاء الملتزمين ما يحدث من مشكلات تهدم البيوت وان لم تهدم تكون الحياه فيها رتيبه لا تزيد عن زوجه لا تريد ان تحرم الاولاد من ابوهم وبدل من ان تحمل لقب مطلقه

ياريت تشاركوني وتقول لي المشكله فينا احنا اللي شكاين ولا الرجاله في الزمن ده خلاص مش بتشيل هم بيت واسره وزوجه ولو ان فتح بيت في هذه الايام مش ساهل ابدا علشان يهدم بالساهل كده

[انسانه نادره]

كلامك منطقي واسئلتك في محلها
وان شاء الله وحده من الاخوات تيجي وتفهمنا قوامه الرجل والعقل الذكي والي ماتحكمه المشاعر فين تروح لما يتخلى عن الزوجه والاولاد بكل سهوله ولنكن منصفيين خلي نقول بعض الرجال

[عاشقة السودان]

والله يا اختي المشاكل كثرت للأسف في هذا الزمن
لكن ما زالت الدنيا بخير فكثير من الرجال يفهمون
معني القوامة ويتحملون مسؤولياتهم ويتقون الله في زوجاتهم

[نور العيون123]

المشكله الكبري يا اختي هي تقصير الاهالي في التربيه الصح

الاب ما بيعلم الولد من صغره تحمل المسؤوليه ومعني اسره وكيف ادارتها

بيكبر ويتزوج ولم يكن عنده درايه كافيه بمعني الاسره وكيف يتحمل مسؤوليته

وكيف يحافظ على بيته من التصدع والانهيار وكيف يتغلب على شهواته

ليحقق معني الرجوله

هتقولي ملتزم هو الشيء بيتكرر في اغلب الرجال بس احنا اللي بنحط

مكبر صورة على الملتزمين ثم ان كتير منهم الا من رحم ربي يلتزم

بالظاهر اكتر من الباطن لا يهتم بتطوير نفسه ولا بتقوية ايمانه ولا يعلم نفسه فقه الاولويات

تجدين الان وهذا معروف ان البنت تنضج اكتر من الولد الي في سنها

وكتير بنات لما بيتخطبوا يشعرون انهم انضج من الخاطب واكثر عقلا

لان الولد لم يتربي صح ولم يهيأ جيدا للزواج لذلك مهم جدا الان اخذ دورات

قبل الزواج تعمل تهيئه صحيه لمعني الزواج لان اكثر حالات الطلاق

الان بين حديثي الزواج فقد التهي الشاب في البحث عن لقمة العيش

والتهي في الاغاني والفضائيات عن القراءه والثقافه فأني له؟

لم نتربي على ان الله يرانا في السر ولم نعظمه حق التعظيم اذا عندما نخلوا

نفعل ما نريد ما في قوة داخليه تنهانا

بجانب ان وسائل الاعلام بكل مستجداتها تشد الرجل الي الفساد

ومغريات النساء التي هي اكثر شيء يضعف امامها الرجل الان

اذا يا اختي المشكله في اننا لا بد ان نتق الله قدر استطاعتنا

ولو كل زوج خاف الله في زوجه واتقي الله في كل اموره لما وجدنا كل

هذه الشكاوي لو كان همنا الاخره لما تساهلنا مع شهواتنا

اذا تقوية الايمان من اهم الضروريات وخوف الله في السر والعلن

والتذكير بعقابه والاهتمام بالتربيه للكبار والصغار وعدم تزويج البنت او الولد

الا بعد ان يهيأ لذلك ويختبر فيه

المراه بتحافظ على بيتها لانه مستقرها وليس لها غير ذلك
اما الرجل بما ان عنده مال يمكنه الزواج باخري يمكنه اسعاد نفسه باشياء اخري


جزاك الله خيرا اختي ياريت اكون قدمت بعض الاجابه وان شاء الله الاخوات يفيدوك

[ommammar74]

اخواتي الغاليات جزاكن الله خيرا على مشاركتكن في موضوع
ويارب نلاقي تفاعل وحد يفهمنا حاجه

اختي انا اعرف ان ليس كل الرجال انا اقول مع الاسف الغالبيه والله ممن حولي ومن مشاكل الاخوات في المنتدي ومن اسئله السيدات لرجال الدين في التلفاز كل ذلك يجعلنا اتساءل كل هذه الاسئله

اختي عيون جزاك الله خيرا على ردك وتفنيدك للامور
والله اختي الغاليه عايزة اقولك ان في رجال اتربوا على تحمل المسئوليه وانا اكلمك عن حالاتي وحياته لم تكن دلع ولا شئ ولا فيه لا يشاهد فضائيات ومعظم وقته في المسجد والتحفيظ ولكن حدث ما حدث وانت تعرفي قصتي وشاركتني بأراك فيها لذلك ليس فقط سوء التربيه
ولا ادري إلى ماذا ارمي بالمسئوليه علي وصول الاسر المسلمه لهذا الحد من التهاوي
اللهم اهدنا واهدي ازواجنا وازواج المسلمات جميعا إلي ما تحب وترضي

[ommammar74]

اختي عيون نسيت اقولك فعلا بنضع المجهر على الملتزم لانه يجب ان يكون الملتزم اكثر نقدا من الغير ملتزم فغير الملتزم هو غير ملتزم ان صدر منه اي تهاون ممكن يكون انه بدافع عدم التزامه
ام الملتزمين وعارفين حدود الله لماذا نتساهل في دمار اسرنا وبيوتنا هكذا وندعي الالتزام

[ananas]

المشكلة فى التربية من الاساس
شوفى الام وهى بتربى البنت بتعلمها ايه وهى بتربى الولد بتعلمه ايه
دايما الكلمة اللى بتتقال عند الشعور باى دلع او تراخى منها او تافف ( امال لما يبقه عندك بيت واولاد وزوج هتعملى ايه)
الغالبية العظمى من الامهات بتزرع فى بناتها ان بيتها ومهم وان اطفالها غاليين عليها جدا وانها تستحمل المستحيل عشانهم ده غير الفطرة الطبيعية اللى ربنا خلق البنت عليها

تعالى بصى على الولد البيت لوكاندة دايما بره البيت طلباته مجابة نادرا ما يقعد مع العيلة نادرا ما يحس بمشاكلهم والام مطمنة عليه تقولك هو بت ما هو راجل
نظرة منقوصة وغلط فى التربية
كل الناس بتفكر دلوقتى هتسيب لعيالها ايه هتجهز البنات ازاى هتجيب شقة للواد ازاى لكن ما حدش بيفكر ازاى يربى ولاده ازاى يخطط لتربيته هيعلمه ايه من دينه هو اصلا ما علمهوش ان ربنا شايفك وانك مش لازم تعمل الغلط عشان خاطر ربنا اولا واخيرا
لكن الكل دلوقتى بيتربى على انه يبص للناس من بره على المظاهر اللى بقة اهم من الجوهر واللى تعلم ابنها كده اول ما يتجوز تعلن حرب شعواء على زوجته وتبقه مستكتراه عليها وعايزة تحرمها من ابسط حقوقها والمسكينة كل ذنبها فى الدنيا انها اتجوزته والام تقول انا شقيت فى تربيتى وهى يمكن من ساعة ما ابنها صوته ابتدى يخشن ما كانتش تعرف اى حاجة عن حياته
تبقه النتيجة الطبيعية لده هو اللى احنا بنشوفوه دلوقتى من ازواجنا
يا ريت نتعلم ونراعى ربنا فى تربيتنا لاولادنا

[شيمه الحب]

الله اعلم مين فينا اللى عنده المشكله مشكورة اختى موضوعك رائع

[. تيوليب***]

عندك حق اختى ان عمار في تساؤلاتك
ماشاء الله الاخوات افادوكي بارك الله فيهم
هذه الايــام اصبح من الملاحظ كثرة اقدام الرجال على الخيانات والتفكير بغير الزوجه
والمشكل الكبير انه يلقي عليها بمسؤلية فشل الزيجه
لان طبيعة الرجل تختلف عن المرأه
فالمرأه ترى الصوره بتفصيل دقيق
والرجل يراها مجمله
مع الزوح تتراكم المشاكل
حتى بعد مرور العاصفه الزوجه تنسى وتغفر سبب الزعل
لكن هو لا ينسى ، يتناسى مؤقتاً
الزوجه في احيان تعتقد ان حياتها سعيده
لانها نسيت مامر بها من مشاكل،
الزوج رأيه عن حياته انه غير سعيد وتعيس
لأنه لم ينسى بل تناسى
وهذا ما يفجر البركان عندما يقبل الزوج على الخيانه او الزواج بأخرى
فالزوجه تصعق وتقول : كنا سعداء،
هذا رأيها
اما هو يقول نحن تعساء
صدق من ألف كتاب ( رجال من المريخ ، نساء من الزهره )
هم من كوكب
ونحن من كوكب اخـــــــــــــــــــــــر.
هنا لا نغفل اهميه الدعاااااااااااااء لاصلاح الامور وذات البين
الله يصلح حال امة محمد صلى الله عليه وسلم
بارك الله فيكِ اختي الحبيبه واراح بالك ورزقكِ محبة زوجك واخلاصــه

:

[ommammar74]

المشكلة فى التربية من الاساس
شوفى الام وهى بتربى البنت بتعلمها ايه وهى بتربى الولد بتعلمه ايه
دايما الكلمة اللى بتتقال عند الشعور باى دلع او تراخى منها او تافف ( امال لما يبقه عندك بيت واولاد وزوج هتعملى ايه)
الغالبية العظمى من الامهات بتزرع فى بناتها ان بيتها ومهم وان اطفالها غاليين عليها جدا وانها تستحمل المستحيل عشانهم ده غير الفطرة الطبيعية اللى ربنا خلق البنت عليها

تعالى بصى على الولد البيت لوكاندة دايما بره البيت طلباته مجابة نادرا ما يقعد مع العيلة نادرا ما يحس بمشاكلهم والام مطمنة عليه تقولك هو بت ما هو راجل
نظرة منقوصة وغلط فى التربية
كل الناس بتفكر دلوقتى هتسيب لعيالها ايه هتجهز البنات ازاى هتجيب شقة للواد ازاى لكن ما حدش بيفكر ازاى يربى ولاده ازاى يخطط لتربيته هيعلمه ايه من دينه هو اصلا ما علمهوش ان ربنا شايفك وانك مش لازم تعمل الغلط عشان خاطر ربنا اولا واخيرا
لكن الكل دلوقتى بيتربى على انه يبص للناس من بره على المظاهر اللى بقة اهم من الجوهر واللى تعلم ابنها كده اول ما يتجوز تعلن حرب شعواء على زوجته وتبقه مستكتراه عليها وعايزة تحرمها من ابسط حقوقها والمسكينة كل ذنبها فى الدنيا انها اتجوزته والام تقول انا شقيت فى تربيتى وهى يمكن من ساعة ما ابنها صوته ابتدى يخشن ما كانتش تعرف اى حاجة عن حياته
تبقه النتيجة الطبيعية لده هو اللى احنا بنشوفوه دلوقتى من ازواجنا
يا ريت نتعلم ونراعى ربنا فى تربيتنا لاولادنا

جزاك الله خيرا يا اناناس على ردك وتحليليلك سليم بنسبه كبيره بس خلاص الراجل لما كبر مش ممكن نفضل نرمي بأخطاءه على سوء تربيته من الصغير طيب هو خلاص كبر وعرف الصح من الغلط وعرف يعني ايه بيت وولاد ليه بيستمر في دمار بيته وتشتيت ابناءه وزجه دايما شافه انها ملهاش غيره في الدنيا بعد ربنا سبحانه وتعالي

فعلا لازم الدعاء لينا بالتوفيق في التربيه لابناءنا ويهديهم ويصلح حالهم وحال المسلمين جميعا وطبعا لازم يكون عندنا امل في اصلاح حياتنا احنا كمان ولا خلاص مفيش امل نعيش كده وخلاص متوقعين الغدر او هدم البيت في اي لحظه علشان خاطر هو او الزوج اتربي غلط او فاهم الحياه غلط

الله يكون في عونا كستات اللي دائما بنتهم بنقص العقل والدين ودائما نقذف بهذه الكلمه من محدود العلم ولا يرجعوا ذلك إلى رقه قلوبنا ومراعاه مشاعر ازواجنا

يارب يصلح بيوتنا وبيوت المسلمين وازواجنا وازواج المسلمات وابنائنا وبناتنا والمسلمين والمسلمات جميعا