مجموعة البنات السمبتيك و الجسم الرشيق مع د.بهاء ناجي (9)

[posicat]

ندي حبيبتي عامله ايه يا قمر انا ابتديت رجيم البطاطس يلا بقي عاوزين تشجيع اكتر وزوروني كل سنه مره حرام تنسوني بالمره مبروك علي نزول 2 كيلو يا قمر يارب يبقوا كتير

مروة انتي فين كنتي مختفيه ليه حمدلله علي السلامه

[posicat]

تنبيهالي كل السمبتيكات كل سنه وانتو طيبين وعقبال كل سنه يارب انتو واولادكو بخير وجوازكو واهاليكو ومني ورد لكل سمبتيكهباي اشوفكو بكره ان شاء الله

[mmm=my life]

هههههههههههه
لا انا مقدرش انساكي يا عسل يا بنتي انا برد عليكي يمكن مبتخديش بالك؟؟

عموما ابقي ادخلي بدري شويه يا شيخه عشان نلاقيكي

عاملين ايه يا قوم؟؟؟

بيرو طمنينا عليكي؟؟

ف:زبادي وشاي بلبن

غ:سمك فيليه وسلطه

ع:يمكن ينسووووووووون

مشيت ساعه الحمد لله

ادعوليييييييييييييييييي

[nada77]

صباح الخير يا قمرات وحشتونى جدا
بيرو حبيبتى الف بعد الشر عليكى ربنا يفرج همك ويفك كربك ويبعد عنك وعن اسرتك كل شر
اما لوحة الميزان متبقاش لوحه من غيرك وحنستناكى تعمليها فى اى وقت بعد زوال تعبك ان شاء الله
شوشو / ايمو / برافو / ريم / ايمى / بوسى عاملين ايه يا بنات عاوزين حماس جامد
مروه ايه كنتى فين وحشتينا
وزنت على الميزان الجديد لقيت 81 كيلو وحبدأ تانى من اول الرقم ده
والله الواح قلقان على بيرو وملهوش نفس يكتب حاجه
طمنينا عليكى يا بيرو

[nada77]

نسيت اقولكم ماشيه على نظام البطاطس وامبارح طبعا اكلت قطعة جاتوه عند حماتى لزوم عيد الام كل سنه وانتم طيبين ولما رجعت متعشيتش
يلا سلاااااااااااام

[برافو]

صباح الخير يابنات عاملين اية

ياترى يابيرو اخبارك اية ربنا يبعد عنك
كل شر واحنا بجد قلقنين عليكى ربنا معاكى

بوسى ما تزعليش ياقمر اخبارك اية شيدى حيلك فى الرجيم بالنسبة للواجبة المفتوحة هو الدكتور مهم نعملها بس طالما ما عملتيهاش انشاء اللة تعمليها الاسبوع الجاى

شوشو وحشانى عاملة اية دلوقتى انتى والاولاد

[برافو]

اية يابنات انتوا لسة نايمين
ياللا اصحوا وزودا الحماس شوية
عايزين نخس بقى علشان نخلص
و زى ما الدكتور بهاء قال ياريت الواحد يخس وزنة الزيداة مرة واحدة افضل
ما نعودش نخس ونرجع تانى نتخن
ياللا انشاء اللة المرة دى نخس مرة واحدة عشان نبقى احلى

[ايمو]

صباح الخير ياسمبتيك كل سنه و كل ام طيبه

بيرو عليكى بالاستغفار يا قلبى و انشاء الله كله يزول ربنا معاكى و انشاء الله ايمة تطمننا عليكى باذن الله

بوسى ازيك ياقمر وحشانى انا حبدا انهارده فى رجيم البطاطس انشاء الله علشان يبقى كلنا مع بعض

ريم -ندى- ايمى-شوشو - برافو - مروه كلكم وحشتونى يالا يا بنات شيدوا حيلكم

و لا كانى و لا مانى مش عايزه كلام

و لا عك تانى كفايه حرام

هنخس يعنى حنخس

[ايمو]

برافو صباح الخير يا جميل

انشاء الله حنخس يعنى حنخس و لا تراجع و لا استسلام

[nada77]

صباح الخير يا بنات
الفطار شاى بلبن طبعا مع كورن فليكس بخالى الدسم ومعلقة عسل
حشرب القهوه وافوق وارجع تانى اطمن عليكم